Брюссель. 23 қазан. ИНТЕРФАКС – Еуропалық Одақ Ресейден жеткізілетін сұйытылған табиғи газдан (СТГ) 2027 жылғы 1 қаңтарға дейін толықтай бас тартуды жоспарлап отыр. Бұл туралы ЕО-ның Ресейге қарсы қабылдаған 19-санкциялық пакеті аясында жарияланған құжатта айтылған.
Құжатта ЕО-ның басты мақсаты – «Ресейден СТГ сатып алуға, импорттауға, сондай-ақ Еуроодақ аумағына тікелей немесе жанама жолмен жеткізуге тыйым салу» екені көрсетілген. Сонымен қатар, жоспарға сәйкес, Ресейлік СТГ жеткізуіне байланысты техникалық және қаржылық көмек көрсетуге де тыйым салынбақ.
Құжатқа сәйкес, тыйым салудың алғашқы кезеңі 2026 жылғы 25 сәуірде күшіне енеді және ол кейбір келісімшарттарға ғана қатысты болады. Ал толық тыйым 2027 жылғы 1 қаңтардан бастап енгізіледі.
