Мәскеу Times басылымының хабарлауынша: «Тәжікстан Ауғанстанмен шекарада бірлескен күзет жүргізу үшін ҰҚШҰ мен Ресей әскерін тарту мүмкіндігін талқылап жатыр. 2023 жылдың қараша айының соңында болған атыстардан кейін Тәжікстан Ауғанстанмен шекарадағы қауіпсіздікті күшейту мақсатында Ұжымдық қауіпсіздік туралы шарт ұйымымен (ОДКБ) және Ресеймен бірлескен патрульдеу мәселесін қарастырған. The Moscow Times басылымының хабарлауынша, Тәжікстан Ауғанстанмен шекарада Ресей әскери күштерінің қатысуымен бірлескен күзет ұйымдастыру мүмкіндігін ҰҚШҰ-мен бірге талқылауда. Бұл қадам Тәжікстанның шекарадағы қауіпсіздікті арттыруға бағытталған. Өткен аптада Ауғанстан жағынан болған атыстың салдарынан бес Қытай азаматы қаза тауып, тағы бесеуі жараланғаны хабарланған. 1 желтоқсанда Тәжікстан президенті Эмомали Рахмон республиканың күштік құрылымдары басшыларымен жұмыс кеңесін өткізіп, Тәжікстан мен Ауғанстан арасындағы шекарадағы жағдай мен оны күзетуді күшейту шараларын талқылады. Reuters агенттігіне сұхбат берген Тәжікстан Қауіпсіздік кеңесіндегі дереккөздің айтуынша, ҰҚШҰ күштерін тарту туралы нақты шешім әлі қабылданбаған және ол қазіргі таңда қаралу үстінде. Оның мәлімдеуінше, Тәжікстанда орналасқан Ресейдің ең ірі шетелдік құрлық әскер тобы саналатын 201-әскери базасын бірлескен күзетке тарту жөнінде ресейлік тараппен келіссөздер жүргізілуде. «Біз әзірге ҰҚШҰ-мен келіссөздер жүргізіп жатырмыз, мәселе әзірге талқылау деңгейінде», – деді дереккөз».
Евразия24 пікірі:
Тәжікстан бұған дейін де ҰҚШҰ-дан әскери көмек сұраған болатын – 2021 жылдың жазында Ауғанстанмен арадағы шекаралық түйткілдерге байланысты осындай өтініш түскен еді. Алайда қазіргі жолданым нақты оқиғаларға – тәжік-ауған шекарасындағы шабуылдар мен адам шығынына байланысты жасалып отыр. Дегенмен, ҰҚШҰ Жарғысына сәйкес, ұйым әскерінің бірлескен қорғанысқа қатысуы үшін барлық мүше елдердің қатысуымен келіссөздер өткізіліп, шешім қабылдануы тиіс. Яғни, кез келген жағдайда шешімді ҰҚШҰ Қауіпсіздік кеңесі қабылдайды, ал мүше елдің сұранысы ұйымның автоматты түрде операцияға араласуына кепілдік бермейді. Бұған дейін де ұйым саяси тәуекелі жоғары кей жағдайларда әскери араласудан бас тартқан болатын. Тіпті оң шешім қабылданған күннің өзінде көмек әртүрлі формада көрсетілуі мүмкін: шекара күзетін күшейту, барлау мен кеңес беру, бірлескен патруль жүргізу немесе әскери күш енгізу секілді жолдар қарастырылуы ықтимал.
