Қоғамдық белсенді Дамир Нұрхамит «Азия Экспресске» берген арнайы пікірінде елдегі этносаралық қатынастар мәселесіне алаңдаушылық білдірді: «Соңғы уақытта Қазақстанда ұлтаралық араздықты қоздыру фактілері жиілеп кеткен, әсіресе бұл үрдіс әлеуметтік желілерде айқын байқалады. Мұндай құқықбұзушылықтарға құқық қорғау органдары көбіне көз жұма қарайды. Азаматтардың қылмыстық іс қозғау туралы өтініштері ескерусіз қалып, кейбір жағдайларда күдіктілерді жауапкершіліктен әдейі қорғау әрекеттері байқалады. Тек қоғамда үлкен резонанс туындаған кезде ғана жекелеген адамдарға қатысты шаралар қолданылып жатады. Алайда бұл да әрдайым нәтиже бере бермейді. Кейде ондай тұлғалардың жоғары деңгейде қорғалғаны сезіледі, Осы жағдайлардың аясында Қазақстан Республикасы Қылмыстық кодексінің 174-бабын (әлеуметтік, ұлттық, рулық, нәсілдік, таптық немесе діни араздықты қоздыру) декриминализациялауға қатысты бастамалар алаңдаушылық тудыруда».
Евразия24 пікірі:
Қазақстанда Қылмыстық кодекстің 174-бабы бойынша (әлеуметтік, ұлттық, рулық, нәсілдік, таптық немесе діни араздықты қоздыру) қозғалған істер саны өсуде. Бас прокуратураның Құқықтық статистика комитеті ұсынған ресми мәліметке сәйкес, 2024 жылдың қорытындысы бойынша мұндай 91 іс тіркелсе, 2025 жылдың алғашқы алты айында бұл көрсеткіш 67-ге жеткен.Бұл құқық бұзушылықтарға қатысты қоғамдағы төзбеушіліктің артқанын көрсетеді. Толықтай болмаса да, бірақ Ішкі істер министрлігінің әлеуметтік желілерді пайдаланушылардың қарапайым тәртіп пен ережелерді сақтауына мұқият мониторинг жүргізіп отырғаны анық байқалады. Қазіргі жағдайда бұл аса маңызды қажеттілікке айналды, себебі виртуалды кеңістіктегі араздықты қоздыру мен нақты өмірдегі араздықтың шекарасы өте нәзік, сондықтан бұл мәселені бақылаудан шығарып алмау маңызды.
