Евразия24Не болдыҚорғаныс министрлігіндегі тексеруден кейін 13 қылмыстық іс қозғалды

Қорғаныс министрлігіндегі тексеруден кейін 13 қылмыстық іс қозғалды

|

|

24 қыркүйекте Каспий теңізінде болған қайғылы оқиғаға байланысты тергеудің алдын ала қорытындылары әскери іс-шараларды жоспарлау кезінде елеулі кемшіліктерге жол берілгенін және бұрынғы басшылық тарапынан тиісті бақылау болмағанын көрсетіп отыр.

«Тексерудің бірінші кезеңінің қорытындысы бойынша қылмыстық қудалау органдары Қорғаныс министрлігінің ұйымдары мен бөлімшелеріндегі мемлекеттік мүлікті жымқыруы мүмкін фактілер, лауазымдық өкілеттіктерді теріс пайдалану және өзге де заң бұзушылықтар бойынша 13 қылмыстық іс қозғады. Маңғыстау облысындағы қайғылы оқиғаның мән-жайын зерттеу барысында оқу-жаттығуға дайындық пен оны жоспарлауда, тәуекелдерді бағалауда, десант түсіруді ұйымдастыруда және әскери қызметшілердің қауіпсіздігін қамтамасыз етуде елеулі кемшіліктер анықталды. Командалық құрамның қылмыстық салғырттығы фактілері бойынша сотқа дейінгі тергеу жалғасып жатыр. Бес лауазымды тұлға қамауға алынды. Олардың әрекеттеріне түпкілікті құқықтық баға тергеу аяқталғаннан кейін беріледі. Сондай-ақ әскери тәртіп пен профилактикалық жұмыста да кемшіліктер анықталды. Әскери қызметшілер арасындағы жарғылық емес қарым-қатынастың және оларға күш қолданудың жекелеген фактілері анықталып, осыған байланысты қылмыстық істер қозғалды. Қауіпсіздік талаптарының сақталуына, әскери қызмет өткеру жағдайына, тылдық қамтамасыз етуді ұйымдастыруға және жеке құраммен жүргізілетін тәрбие жұмысына ерекше назар аударылып отыр», – деп Ақорда хабарлады.

Бұл мәліметтер Президент Қасым-Жомарт Тоқаевтың Қазақстан Республикасы Қорғаныс министрлігіндегі жағдайды кешенді тексеру жөніндегі комиссия мүшелерімен өткізген кеңесінде айтылды.

Сонымен қатар 5 қазанда Президент Жоғары аудиторлық палатаның төрағасы Әлихан Смайыловты қабылдады. Оның айтуынша, ауқымды тексеру 50 нысанды, соның ішінде 48 әскери бөлімді қамтиды. Тексеруді жүргізу үшін мемлекеттік аудит жүйесінің жетекші мамандары мен IT және байланыс саласының сарапшыларынан арнайы топ құрылған.

Қайғылы оқиғадан кейін қабылданып жатқан шаралардың ауқымына қарасақ, қазіргі Қазақстан армиясы үшін бірнеше бағытты бірден қамтитын мұндай тексеріс бұрын-соңды болмаған деуге негіз бар.

Енді бастысы– тексеру нәтижесі кінәлілерді анықтап, жауапқа тартумен ғана аяқталмауы тиіс. Егер олардың кінәсі сотта дәлелденсе, бұл іс армиядағы кемшіліктерді түзеуге және жүйелі өзгерістерге негіз болуы керек.

 

Перепечатка и копирование материалов допускаются только с указанием ссылки на eurasia24.media

Бөлісу:

Читать далее:
Related

Азия-Тынық мұхиты өңірінің қор индекстері төмендеп жатыр

Жұма күнгі сауда барысында Азия-Тынық мұхиты өңірінің қор индекстері айтарлықтай төмендеді. Осы апта өңірдің қор нарықтары үшін соңғы алты жылдан астам уақыт ішіндегі ең сәтсіз кезең болуы мүмкін.

Сауд Арабиясы қыркүйекте мұнай өндіру көлемін 34%-ға, экспортын 21%-ға арттырды – JODI

Сауд Арабиясы қыркүйек айында мұнай өндіру көлемін тамызбен салыстырғанда 34,2 пайызға, ал экспортын 20,9 пайызға ұлғайтты. Бұл туралы Joint Organization Data Initiative (JODI) ұйымының сайтында хабарланды.

Алтын бағасы 3,3%-ға төмендеп, наурыздан бергі ең үлкен апталық құлдырауға бет алды

Мәскеу. 20 қараша. ИНТЕРФАКС – Жұма күні алтын бағасы...

Қытай он айда Ресейден бидай импортын 3,2 есе, арпа импортын 2,3 есе, жүгері импортын 34,2%-ға арттырды – ҚХР Бас кеден басқармасы

2026 жылдың қаңтар–қазан айларында Қытай Ресейден 21,6 млн долларға бидай импорттады. Бұл 2025 жылдың сәйкес кезеңіндегі көрсеткіштен (6,7 млн доллар) 3,2 есе көп. Мұндай мәлімет Қытай Халық Республикасының Бас кеден басқармасы жариялаған материалдарда келтірілген.