Көрші ел азаматының Қазақстанның беделіне нұқсан келтіру әрекеті сәтсіз аяқталды.«Әлеуметтік желіде тараған бейнежазбада ер адам Қазақстан азаматтығын сыбайлас жемқорлықтың және жергілікті халықтың қонақжайлығының арқасында еш қиындықсыз алғанын мәлімдеген. Бұл жайтқа құзырлы органдар құқықтық баға беріп, барлық мән-жайды анықтайды деп сенеміз. Пікір қалдырған қазақстандықтар ер адамның сөзін мұқият тексеруді және оған берілген азаматтықты жоюды талап етті», – деп хабарлайды Zakon.kz.
Басылымның мәліметінше, Қазақстанның Ішкі істер министрлігі бейнеролик авторының жеке басын жедел анықтаған.
«Ол көршілес мемлекеттің азаматы болып шықты. Тексеру нәтижесінде оның Қазақстан азаматтығын сатып алғаны туралы таратқан мәліметі шындыққа сәйкес келмейтіні анықталды», – деп деп ҚР Ішкі істер министрлігінің баспасөз қызметі мәлімдеді .
Аталған дерек бойынша қылмыстық іс қозғалды. Тергеу амалдарын Қазақстан мен көрші мемлекеттің құқық қорғау органдары бірлесіп жүргізіп жатыр.
Егер бейнеролик авторы шынында да басқа мемлекеттің азаматы болып, сол елдің аумағында жүрген болса, істің құқықтық салдары құқықтық саралауға және құқық бұзушылықтың нақты қай жерде жасалғанына байланысты болады.
Бейнеролик авторы жауапкершілікке тартыла ма?
Егер ол басқа мемлекеттің азаматы болса, бұл оның Қазақстанға автоматты түрде берілетінін білдірмейді. Халықаралық тәжірибеде мемлекеттер өз азаматтарының басқа елдердің мүддесіне нұқсан келтірген әрекеттері үшін, егер ұлттық заңнамасы мүмкіндік берсе, қылмыстық қудалауды өздері жүзеге асырады. Ал күдіктіні іс қаралатын мемлекетке беру халықаралық шарттар мен белгіленген құқықтық рәсімдер негізінде ғана жүзеге асырылуы мүмкін.
