KazTAG агенттігі Азия даму банкінің (АДБ) мәліметіне сілтеме жасап хабарлайды: Кавказ және Орталық Азия елдерінің экономикалары жалпы баяулау үрдісінен ерекшеленіп отыр. Аталған субөңір бойынша экономикалық өсім болжамы жоғары бағытта қайта қаралды – 2025 жылы5,5%, ал 2026 жылы 5,1% деңгейінде болжанып отыр. Бұған дейін бұлкөрсеткіштер сәйкесінше 5,4% және 5% деп бағаланған болатын. Болжамның қайта қаралуына ықпал еткен негізгі факторлардың бірі – Қазақстанда Future Growth Expansion Project (Болашақ кеңейту жобасы) аясында мұнай өндіру көлемінің айтарлықтай артуы. Қазақстан экономикасының өсіміне қатысты болжамдар да оң бағытта түзетілді: 2025 жылы – 5,1%, 2026 жылы – 4,3%. Бұған дейін сәуір айында бұл көрсеткіштер 4,9% және 4,1% деңгейінде болған.
Евразия24 пікірі:
Азия даму банкі (АДБ) Қазақстан экономикасының өсуіне қатысты болжамын қайта қарап, мынадай жайттарды атап өтті: «Салық түсімдерінің ұлғаюы Үкіметке негізгі капиталға салынатын инвестициялар мен әлеуметтік шығыстар көлемін арттыруға мүмкіндік берді. Бұл өз кезегінде экономикалық белсенділікті ынталандырды. Сонымен қатар, ОПЕК+ ұйымының мұнай өндіру көлемін арттыру туралы шешімі де экономикалық өсімге қатысты оң күтулерді күшейтті».
Алайда бұл болжамдық оптимизмге мұнай бағасының төмендеуі тосқауыл болуы мүмкін. Қазақстан Үкіметі мұндай сценарийді әрдайым ескеріп отырады және бюджетке мұнайдың бір барреліне жоғары баға белгілейді.
АҚШ Энергетикалық ақпарат басқармасы (EIA) 2025 жылғы мамыр айында жариялаған есебінде шикі мұнайдың бағасы 2026 жылға қарай бір баррель үшін 59 долларға дейін төмендейді деген болжамын ұсынды. Ал табиғи газ бағасы бір миллион британдық жылу бірлігіне (MMBtu) 4,20 долларға дейін қымбаттауы мүмкін екенін мәлімдеді.
