Газета.ru The New York Times-ке сілтеме жасай отырып хабарлайды:
«Сарапшылар Трамптың Ресеймен сауда жасайтын елдерге 100 пайыздық баж салығын енгізу туралы мәлімдемесінің шынайылығына күмән келтіріп отыр». NYT жазғандай, Қытай мен Ресей арасындағы сауда көлемі жылына шамамен 250 млрд долларды құрайды, оның басым бөлігі мұнай импортына тиесілі. Мұндай шара АҚШ-ты Пекинмен тікелей қақтығысқа алып келуі мүмкін. Сарапшылар Трамптың Украинаға бола Қытаймен текетіресті қайтабастауға баратынына күмәнмен қарайды, деп жазады NYT.
Евразия24 пікірі:
Дональд Трамптың Украинада атысты тоқтату жөнінде 50 күн ішінде келісімге келінбесе, Ресей мен оның сауда серіктестеріне 100 пайыздық екінші деңгейлі импорттық баж салығын енгізу ниеті туралы айтқан мәлімдемесіне әлемдік нарықтар дереу әрі өткір реакция танытты.
2025 жылғы 15 шілдеде таңертең ICE Лондон биржасында Brent маркалы мұнайдың қыркүйектегі фьючерстері 2,08%-ға арзандап, барреліне 68,89 долларды құрады. Ал Нью-Йорк тауар биржасындағы (NYMEX) WTI маркалы мұнайдың тамыз айындағы фьючерстері 2,67%-ға төмендеп, барреліне 66,62 доллар болды.
Бұл жағдай Қазақстанға ауыр тиіп отыр – республикалық бюджетті жоспарлау кезінде мұнай бағасы барреліне 75 доллар деңгейінде есептелген.
АҚШ-тың саясаттанушысы, американист Рафаэль Ордуханян бұл жаңалыққа пікір білдіре отырып, былай деді: «Мұнда ең қорқыныштысы – мәлімдеменің өзі емес, оны Трамптың айтуы. Ол барған сайын шындықтан алшақтап кеткен Джо Байденге ұқсап бара жатыр»
