Лондон. 14 наурыз. ИНТЕРФАКС – АҚШ Әскери-теңіз күштерінің MQ-4C Triton радиотехникалық барлау дроны жексенбі күні Парсы шығанағы үстінде ұзақ ұшу жасап, Ирандағы ең ірі порттардың бірі – Бушер порты маңында барлау жүргізді. Бұл туралы Flightradar24 авиациялық ресурсының деректерінде көрсетілген.
Беспилотник Италияның Сицилия аралындағы Сигонелла авиабазасынан ұшырылып, Сауд Арабиясының үстімен ұшып өткеннен кейін Парсы шығанағына бағыт алған. Онда ол Иран жағалауына өте жақын жерде шамамен 4,5 км биіктікте ұшып, барлау жүргізген.
Бушер қаласында Иранның әскери-теңіз базасы мен әскери-әуе күштерінің авиабазасы, әуе шабуылына қарсы қорғаныс кешендері, сондай-ақ зымырандар мен соққы беретін дрондарға арналған жерасты қоймалары орналасқан. Бушер атом электр станциясы да осы порттан шамамен 12 км қашықтықта орналасқан.
MQ-4C Triton – ұзақ қашықтыққа ұшатын әрі жоғары биіктікте барлау жүргізетін ұшқышсыз аппарат. Ол кең теңіз және жағалау аймақтары туралы барлау ақпаратын нақты уақыт режимінде жеткізе алады. Дрон 30 сағаттан астам уақыт әуеде болып, 17 мың метрге дейінгі биіктікте және сағатына 610 км жылдамдықпен ұша алады.
