ВАШИНГТОН. 9 тамыз. – АҚШ, бірқатар Еуропа елдері және Украина жоғары лауазымды өкілдері алдағы демалыс күндері Ұлыбританияда жиналып, АҚШ Президенті Дональд Трамп пен Ресей Президенті Владимир Путин арасындағы келіссөздерге қатысты ортақ ұстаным қалыптастыру мүмкіндігін қарастыруда. Бұл туралы Axios порталы дереккөздерге сілтеме жасап хабарлады.
Басылымның мәліметінше, Ұлыбританияда кездесу өткізу идеясы «Украина мен НАТО-ның бірнеше одақтасы жеке жағдайда Трамптың соғысты тоқтату жөніндегі Путиннің ұсыныстарына олардың пікірін ескермей келісіп қоюы мүмкін деген алаңдаушылық білдіргеннен кейін» пайда болған.
Қазіргі уақытта бұл кездесу жоспары талқылау сатысында тұр. Қатысушылар тізімі мен ұйымдастыру мәселелері де әлі нақтыланбаған.
Бұған дейін Дональд Трамп Путинмен кездесуін 15 тамызда Аляскада өткізетінін мәлімдеген болатын. Бұл ақпаратты Кремль растады.
