Вашингтон. 18 шілде. ИНТЕРФАКС – АҚШ Өкілдер палатасы 216 дауыс қарсы 213 дауыспен бұрын бекітілген бюджет шығындарын 9 миллиард долларға қысқартуды көздейтін заң жобасын мақұлдады, деп хабарлайды The Hill басылымы.
Қысқарту шетелдік көмек пен NPR және PBS қоғамдық хабар тарату компанияларын қаржыландыруды тоқтату есебінен жүзеге асырылмақ.
Заң жобасы бұған дейін Сенатта мақұлданған. Енді ол Президенттің қол қоюына жолданады.
Аталған шығындар бұған дейінгі бюджетке енгізілгендіктен, оларды қысқарту үшін Өкілдер палатасы мен Сенаттың келісімі қажет болды.
Дональд Трамп бұл құжаттың қос палатадан өтуіне байланысты Truth Social желісінде: «Бұл – керемет!» деп жазды. Оның айтуынша, «республикалықтар мұны 40 жыл бойы жүзеге асыруға тырысып келді, бірақ сәті түспеген».
