Евразия24ЖаңалықтарАҚШ пен Канада сауда жөнінде келісе алмады, канадалық бірқатар тауарға 50% баж...

АҚШ пен Канада сауда жөнінде келісе алмады, канадалық бірқатар тауарға 50% баж салынады

|

|

Вашингтон. 22 тамыз. ИНТЕРФАКС – АҚШ пен Канада жұма күнінің соңына дейін жаңа сауда шарттары бойынша ортақ мәмілеге келе алмады. Осыған байланысты сенбіден бастап Канаданың бірқатар тауарына, соның ішінде сыра мен ірімшікке АҚШ-тың 50 пайыздық баж салығы күшіне енеді, деп хабарлайды The Washington Post (WP).

АҚШ-тың сауда өкілі Джеймисон Грир Канаданың Вашингтонмен бірлесіп әрекет ету мүмкіндігін пайдалана алмағанын мәлімдеді. Оның айтуынша, ұсынылған келісім Оттава үшін АҚШ нарығына қол жеткізудің ең тиімді жолы болған.

Канада премьер-министрі Марк Карни болса, Вашингтон келіссөздердің соңғы сәтінде талаптарын өзгерткенін айтты. Ол АҚШ-тың бұл әрекетін әділетсіз әрі экономикалық тұрғыдан негізсіз деп бағалап, мұндай жағдайда кез келген келісімнің сенімділігіне күмән туатынын мәлімдеді.

Карни АҚШ тарапынан қысым жасалса, Канада жауапсыз қалдырмайтынын ескертті.

«Канада өз жұмысшылары мен бизнесін қорғау үшін әр долларға дәл сондай көлемде жауап береді», – деді премьер-министр.

Оның айтуынша, Вашингтонмен келіссөз барысында белгілі бір ілгерілеу болғанымен, қол жеткізілген нәтиже Оттава көздеген мақсаттарға сай келмейді.

АҚШ әкімшілігінің жоғары лауазымды өкілі журналистерге тараптар әзірге келіссөздің келесі кезеңін жоспарламағанын айтты. Егер Канада қарымта шара қабылдаса, АҚШ президенті Дональд Трампқа Вашингтонның бұдан кейінгі ықтимал әрекеттері ұсынылады.

WP мәліметінше, жаңа баж екі ел арасындағы жалпы көлемі 382 млрд доллар болатын сауданың шамамен 5%-ына ғана қатысты. Соған қарамастан, бұл шара Солтүстік Америкадағы ортақ сауда кеңістігінің сақталуына кері әсер етуі мүмкін.

Басылым 2025 жылдан бастап АҚШ әкімшілігі әлемнің бірқатар еліне баж салығын енгізе бастағаннан кейін Вашингтон мен Оттава арасындағы сауда қатынастары күрделене түскенін атап өтеді. Канада да АҚШ-тан әкелінетін кейбір тауарларға жауап ретінде баж енгізген.

Бұған дейін АҚШ енгізген баждар АҚШ, Канада және Мексика арасындағы USMCA сауда келісіміне кіретін тауарларға қолданылмайтын. Ал жаңа 50 пайыздық баж бойынша мұндай жеңілдік қарастырылмаған.

Қазір Вашингтон Мексикамен USMCA шарттарын өзгерту мәселесін талқылап жатыр. Канадамен мұндай келіссөздер әзірге жүргізіліп жатқан жоқ.

Перепечатка и копирование материалов допускаются только с указанием ссылки на eurasia24.media

Бөлісу:

Читать далее:
Related

АҚШ Сенатындағы республикашылдар Трамп ұсынған кандидаттардың Пентагондағы маңызды қызметтерге тағайындалуына тосқауыл қоймақ – БАҚ

АҚШ Сенатындағы республикашылдар президент Дональд Трамп Пентагондағы маңызды қызметтерге ұсынған кемінде екі кандидаттың тағайындалуына кедергі жасауға дайын. Бұл туралы The Washington Post (WP) газеті дереккөздеріне сілтеме жасап хабарлады.

Мексикада ірі Меса-Флорес есірткі картелінің басшысы ұсталды

Мексиканың Синалоа штатындағы Гуасаве муниципалитетінде Мексика мен АҚШ күштік құрылымдарының бірлескен операциясы барысында Меса-Флорес есірткі картелінің басшысы Фаусто Исидро Меса Флорес ұсталды. Эль Чапо Исидро деген атпен танымал ол АҚШ Федералдық тергеу бюросы (ФТБ) іздеу жариялаған аса қауіпті қылмыскерлердің бірі болған. Бұл туралы ЭФЭ ақпарат агенттігі хабарлады.

Иран Ислам революциясы сақшылар корпусы Бахрейндегі америкалық Patriot жүйесінің радарларына соққы бергенін мәлімдеді – БАҚ

Иранның Ислам революциясы сақшылар корпусы (ИРСК) баллистикалық зымырандар мен ұшқышсыз ұшу аппараттарын қолданған кешенді операция барысында Бахрейнде орналасқан америкалық Patriot зениттік зымыран кешендерінің екі радиолокациялық станциясына соққы бергенін мәлімдеді. Бұл туралы Иранның мемлекеттік телерадиокомпаниясы хабарлады.

АҚШ әскери қызметшілеріне канадалық әріптестерімен бейресми қарым-қатынасты шектеу тапсырылды

АҚШ Соғыс министрлігі америкалық әскери қызметшілерге қызметтік қажеттілік болмаса, канадалық әріптестерімен қарым-қатынасты азайтуды тапсырды. Бұл туралы The New York Times (NYT) газеті АҚШ сенаторы Майк Раундзға сілтеме жасап хабарлады.