Вашингтон. 5 тамыз. ИНТЕРФАКС – АҚШ-тың НАТО жанындағы тұрақты өкілі Мэттью Уитакердің пікірінше, Ресей мұнайын сатып алушы елдерге қарсы екінші реттік санкциялар Украинадағы қақтығысты реттеу үшін «айқын қадам» болып саналады.
«Бұл мәселеге әскери жолмен шешім табу мүмкін емес, жалғыз жол – дипломатиялық реттеу. Президент Трамп Ресейдің келіссөздер үстеліне отыруына қажетті жағдай жасап отыр», – деді Уитакер Bloomberg агенттігіне берген сұхбатында.
Ол сондай-ақ, Ресей мұнайын сатып алу арқылы соғысты қаржыландырып отырған Қытай, Үндістан және Бразилия сияқты елдерге қарсы екінші реттік санкциялар енгізу – қақтығысты тоқтатуға бағытталған қисынды әрі қажетті шара деп есептейтінін атап өтті.
