Париж. 1 маусым. ИНТЕРФАКС – Әлемнің дамыған елдері 2023–2024 жылдары дамушы экономикасы бар мемлекеттерге климаттың өзгеруімен күрес шараларын қолдауға шамамен 270 млрд АҚШ долларын бөлді. Бұл туралы Экономикалық ынтымақтастық және даму ұйымы (ЭЫДҰ) жариялаған есепте айтылған.
Құжатқа сәйкес, 2023 жылы климаттық қаржыландыру көлемі 132,8 млрд долларды, ал 2024 жылы 136,7 млрд долларды құраған.
Жыл сайынғы 100 млрд доллар көлеміндегі климаттық инвестициялар жөніндегі мақсатты көрсеткіш алғаш рет 2022 жылы орындалды. Сол жылы қаржыландыру көлемі 115,9 млрд долларға жеткен.
«2024 жылы 100 млрд долларлық мақсат қатарынан үшінші жыл орындалды. Бұл дамушы экономикаларды климаттың өзгеруінің салдарын азайту және оған бейімделу бағытында қолдауға деген берік ұстанымды көрсетеді», – деді ЭЫДҰ Бас хатшысы Матиас Корман.
Оның айтуынша, мұндай қолдау дамушы елдердің өздерінің климаттық мақсаттарына қол жеткізуі үшін аса маңызды мәнге ие.
