Тбилиси. 16 маусым. ИНТЕРФАКС – Грузия мен Сербия арасындағы сауда-экономикалық ынтымақтастық одан әрі кеңейтіледі. Екі ел арасындағы еркін сауда туралы келісімді келісу жөніндегі келіссөздер аяқталуға жақын. Бұл туралы Грузияның премьер-министрі Ираклий Кобахидзе мәлімдеді.
«Біз көлік-логистика саласындағы өзара іс-қимылды жандандыруға, сондай-ақ салалық ынтымақтастықты дамытуға қатысты мәселелерді талқыладық. Грузия – Орта дәліздің ажырамас бөлігі және Еуропа мен Азия арасындағы қолда бар транзиттік әрі сауда әлеуетін тиімді пайдалану мақсатында Сербиямен осы бағыттағы байланыстарды тереңдетуге дайын», – деді Ираклий Кобахидзе сейсенбі күні Сербия президенті Александр Вучичпен өткен бірлескен брифинг барысында.
Оның айтуынша, тараптар еркін сауда туралы келісімді келісу жөніндегі келіссөздерді аяқтауға жақын қалған.
Өз кезегінде Александр Вучич те аталған келісім бойынша келіссөздер жақын арада аяқталады деген үміт білдірді.
«Бұл келісімге қол қойылғаннан кейін екі ел арасындағы өнім импорты мен сауда айналымы айтарлықтай артады. Жақын уақытта Тбилисиде Сербияның елшілігі, ал Белградта Грузияның елшілігі ашылады», – деді Сербия президенті.
Бұған дейін Александр Вучич Грузия президенті Михаил Кавелашвилимен және Грузия патриархы Шио III-пен кездескен болатын.
