АСТАНА. 1 қаңтар. ИНТЕРФАКС-ҚАЗАҚСТАН – Түркістан облысының Кентау қаласындағы қоғамдық тамақтану орнында газ-ауа қоспасының жарылысы мен одан кейін шыққан өрт салдарынан бір адам қаза тауып, тағы төрт адам зардап шекті. Бұл туралы облыстық төтенше жағдайлар департаменті хабарлады.
Ведомствоның мәліметінше, көпқабатты тұрғын үйдің бірінші қабатында орналасқан дәмханада газ-ауа қоспасының жарылысы орын алған. Құтқарушылар келіп жеткенге дейін ашық жалын байқалған. Кейін өрт сөндірушілер жедел әрекет етіп, өртті толығымен сөндірілді.
«Оқиға салдарынан бір адам көз жұмды. Тағы төрт адам ауруханаға жеткізілді, оның екеуі жансақтау бөлімінде жатыр», – делінген ТЖД таратқан хабарламада.
Оқиға Жаңа жыл түні болған. Қазіргі таңда аталған факт бойынша қылмыстық іс қозғалып, тергеу амалдары жүргізілуде.
