Париж. 23 желтоқсан. ИНТЕРФАКС — Франция поштасына қатысты онлайн қызметтер сейсенбі күні ауқымды кибершабуыл салдарынан қолжетімсіз болып қалды. Бұл туралы француз бұқаралық ақпарат құралдары хабарлады.
Атап айтқанда, компанияның ресми сайты жұмыс істемей тұр. Сонымен қатар бірқатар офлайн қызметтерде, оның ішінде сәлемдемелерді беру барысында іркілістер байқалуда.
Бұдан бөлек, Франция поштасына тиесілі банк клиенттері өз жеке аккаунттарына кіре алмай отыр.
Франция поштасының серверлеріне бағытталған ауқымды кибершабуыл дүйсенбі күні таңертең тіркелген. Жергілікті БАҚ дерегінше, ақаулар Рождество мерекесі қарсаңында, пошталық бөлімшелерге жүктеме ең жоғары деңгейге жететін кезеңде орын алған.
Қазіргі уақытта кибершабуылды кім ұйымдастырғаны жөнінде ресми ақпарат жарияланған жоқ.
