Мәскеу. 24 қазан. ИНТЕРФАКС.
Кремль Ресей мен АҚШ саммиті «болмай қалды» деп есептемейді. АҚШ президенті Дональд Трамп мұндай кездесудің болашақта өту мүмкіндігін жоққа шығармайтынын айтқан, ал бұл көзқарасты Ресей президенті Владимир Путин де қолдайды.
«Иә, президент Трамп қазіргі уақытта саммит өткізу туралы ойланбайтынын мәлімдеді. Дегенмен соңғы екі күн ішінде ол бірнеше рет мұндай кездесудің болашақта өтуін жоққа шығармайтынын айтты. Бұл пікірді президент Путин де қолдайды», – деді Ресей президентінің баспасөз хатшысы Дмитрий Песков.
Кремль өкілінің айтуынша, Трамп та, Путин де бос кездесу өткізіп, уақытты зая кетіруді қаламайды. Мұндай саммиттің нәтижелі өтуі үшін екі елдің сыртқы саясат ведомстволары деңгейінде алдын ала нақты дайындық жүргізуі қажет.
Песков сондай-ақ саммиттің нақты мерзімі ешқашан аталмағанын еске салды: «Осы тұрғыдан алғанда, нақты уағдаластық болмаған нәрсені “болмай қалды” деу қисынсыз», – деп атап өтті ол.
Бұл мәлімдемесін Песков Украина президенті Владимир Зеленскийдің Будапештте өтуі мүмкін Ресей–АҚШ саммитін өзі “болдырмай тастады” деген сөзіне қатысты пікір білдіре отырып жасаған.
