Астана. 17 маусым. ИНТЕРФАКС-ҚАЗАҚСТАН – Парламент Мәжілісі сәрсенбі күні өткен жалпы отырыста «Бір жағынан, Еуразиялық экономикалық одақ және оған мүше мемлекеттер мен екінші жағынан, Біріккен Араб Әмірліктері арасындағы экономикалық әріптестік туралы келісімді ратификациялау туралы» заңды қабылдады.
Сауда және интеграция министрі Арман Шаққалиевтің айтуынша, келісімге 2025 жылы 27 маусымда Минск қаласында қол қойылған. Құжаттың негізгі мақсаты – ЕАЭО елдері мен БАӘ арасындағы сауда-экономикалық байланыстарды нығайту, сондай-ақ қазақстандық өнімдердің Әмірліктер нарығына шығуына қолайлы жағдай жасау.
«Келісім аясында тараптар тауар номенклатурасының 85 пайыздан астамы бойынша импорттық кедендік баждарды алып тастауға келісті. Сонымен қатар бизнеске бейімделуге мүмкіндік беру үшін кедендік баждарды кезең-кезеңімен жою және өзара сауданы біртіндеп ырықтандыру қарастырылған», – деді министр.
БАӘ тарапы ЕАЭО елдеріне қатысты 6 мың 757 тауарлық позиция бойынша преференциялар ұсынады. Оның ішінде 6 мың 565 позиция бойынша импорттық кедендік баж мөлшерлемелері нөлге дейін төмендетіледі. Ал 192 тауарлық позиция бойынша ЕАЭО елдерінен бажсыз импорттауға мүмкіндік беретін тарифтік квоталар енгізіледі.
Қабылданған заң енді Сенаттың қарауына жіберіледі.
