Астана. 1 мамыр. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев отандастарын 1 мамырда атап өтілетін мемлекеттік мереке – Қазақстан халқының бірлігі күнімен құттықтады.
«Бұл күн қоғамымыздың мәңгілік құндылықтарын – ынтымақ пен бірлікті, төзімділік пен өзара құрметті, отансүйгіштік пен туған жерге деген сүйіспеншілікті білдіреді. Тарихтың жазуымен Қазақстан қасиетті шаңырағының астына әртүрлі этнос өкілдерін біріктіріп, оларды бір үлкен отбасыға айналдырды. Бұл – біздің ортақ байлығымыз», – делінген президенттің баспасөз қызметі таратқан құттықтау мәтінінде.
Мемлекет басшысы бейбітшілік, жанашырлық және өзара көмек дәстүрлері біртұтас халықтың ұлттық болмысының ажырамас бөлігі болып қала беруінің маңыздылығын атап өтті.
«Біз әртүрліміз, бірақ біртұтаспыз. “Әралуандықтағы бірлік” қағидасы мемлекеттік саясаттың мәнін де, қазақстандықтардың күнделікті өмірін де айқын сипаттайды», – деді Тоқаев.
Президент барша отандастарына зор денсаулық, бақыт және амандық тіледі.
