Иерусалим. 9 тамыз. INTERFAX – Израиль премьер-министрі Биньямин Нетаньяху оның үкіметі Бейбітшілік кеңесі ұсынған Газа секторындағы жағдайды реттеу жоспарын орындамайтынын мәлімдеді.
«Кейбіреулер мен мұндай мәлімдеме жасамады деп айтып жүр. Сондықтан тағы да қайталаймын: Израиль 15 тармақтан тұратын бұл құжатты қабылдамайды», – деп келтіреді Израиль бұқаралық ақпарат құралдары Нетаньяхудың сөзін.
Премьер-министр Израиль армиясы ХАМАС қозғалысы қаруын толық тапсырмайынша қазіргі позицияларынан кетпейтінін атап өтті.
«ХАМАС қаруын тапсыруы тиіс дегенде, мен ауыр қару-жарақты да, жеңіл қару-жарақты да, жалпы кез келген қаруды айтып отырмын. Бізге ХАМАС-тың формалды емес, нақты қарусыздануы қажет», – деді Израиль үкіметінің басшысы.
АҚШ-тың бастамасымен құрылған Бейбітшілік кеңесінің жоспары Газа секторындағы палестиналық қарулы топтарды кезең-кезеңімен қарусыздандыруды көздейді. Сонымен қатар қауіпсіздікті қамтамасыз ету үшін Газа секторына халықаралық күштерді орналастыру және Израиль әскерін кезең-кезеңімен шығару қарастырылған.
