Астана. 23 шілде. ИНТЕРФАКС-ҚАЗАҚСТАН – Оңтүстік Корея Президенті Ли Чжэ Мён Қазақстан Президенті Қасым-Жомарт Тоқаевты Сеул қаласына ресми сапармен келуге шақырды. Бұл туралы Мемлекет басшысының баспасөз қызметі хабарлады.
Сәрсенбі күні таратылған ақпаратта: «Қасым-Жомарт Тоқаев оңтүстіккореялық көшбасшының шақыртуын ризашылықпен қабылдады. Сонымен қатар, ол 2026 жылы Сеулде өтетін “Орталық Азия – Корея Республикасы” форматындағы алдағы саммитке қатысуға дайын екенін растады», – делінген.
Телефон арқылы өткен әңгіме барысында мемлекет басшылары Қазақстанмен Корея арасындағы жан-жақты ынтымақтастықты одан әрі нығайтуға ниетті екені нақтылады.
«Тараптар екі жақты серіктестіктің кең ауқымды бағыттары бойынша жан-жақты пікір алмасты. Сауда-экономикалық және мәдени-гуманитарлық салалардағы өзара іс-қимылды жандандыруға қызығушылық білдірді. Өнеркәсіп, энергетика, автокөлік құрастыру, білім және медицина салаларындағы ағымдағы және болашақ жобаларды тиімді іске асырудың маңыздылығы атап өтілді», – деп көрсетілген хабарламада.
