Астана. 8 қараша. ИНТЕРФАКС-ҚАЗАҚСТАН – 2026 жылы 4–6 ақпанда Бішкек қаласында Орталық Азия елдері мен АҚШ-тың бизнес-қоғамдастықтары қатысатын B5+1 форумы өтеді. Бұл туралы Орталық Азия елдері мен АҚШ үкіметтері арасындағы экономикалық ынтымақтастық туралы ниет жөніндегі бірлескен мәлімдемеде айтылған.
Мәлімдеме мәтіні сенбі күні Қазақстанның Сыртқы істер министрлігінің сайтында жарияланды.
«Орталық Азия мен Америка Құрама Штаттары арасындағы экономикалық ынтымақтастықты ілгерілетуге бағытталған B5+1 форумын 2026 жылы 4–6 ақпанда Қырғыз Республикасының Бішкек қаласында өткізуге қолдау көрсету», – делінген құжатта.
Еске сала кетсек, алғашқы B5+1 форумы 2024 жылы наурызда Алматыда өткен.
Бұл бастама өңір үкіметтері мен бизнес өкілдері арасындағы өзара іс-қимылды жандандыруға, сондай-ақ Орталық Азиядағы маңызды экономикалық мәселелерді және оларды шешу жолдарын талқылау үшін алаң қалыптастыруға бағытталған.
