Пекин. 8 желтоқсан. ИНТЕРФАКС – Қытайдың қараша айындағы экспорты жылдық мәнде 5,9%-ға артып, 330,3 млрд АҚШ долларын құрады. Бұл туралы елдің Бас кеден басқармасы хабарлады.
Бұл көрсеткіш соңғы он бір айдағы ең жоғары деңгей болды.
Импорт 1,9%-ға өсіп, 218,7 млрд АҚШ долларына жетті. Өсім соңғы алты айдың қорытындысы бойынша тіркелді.
Trading Economics деректеріне сәйкес, сарапшылар орта есеппен экспорттың 3,8%-ға, импорттың 2,8%-ға артуын болжаған еді.
Өткен айда Қытайдың Жапонияға экспорты 4,3%-ға, Оңтүстік Кореяға – 1,9%-ға, Австралияға – 35,8%-ға, АСЕАН елдеріне – 8,2%-ға, Еуропалық одақ елдеріне – 14,8%-ға өсті. Ал АҚШ-қа экспорт 28,6%-ға қысқарды.
Қараша айында Қытайдың сыртқы сауда балансының оң сальдосы 111,68 млрд АҚШ долларын құрады. Бұл 2024 жылғы қарашадағы 97,33 млрд доллармен салыстырғанда жоғары.
Қаңтар–қараша айларында Қытай экспорты 5,4%-ға өсіп, 3,41 трлн АҚШ долларына жетті. Атап айтқанда, ауыл шаруашылығы өнімдерінің экспорты 1,2%-ға, тыңайтқыштар экспорты 61,5%-ға, автомобильдер жеткізілімі 16,7%-ға артты.
Он бір айдың қорытындысы бойынша импорт 0,6%-ға төмендеп, 2,34 трлн АҚШ долларын құрады. Бұл ретте АҚШ-тан импорт 13,2%-ға, Еуропалық одақтан – 2,1%-ға, Ресейден – 5,9%-ға, АСЕАН елдерінен – 1,2%-ға азайды. Қытай болат импортын 10,9%-ға, табиғи газды – 14,3%-ға, мұнайды – 19,3%-ға, көмірді – 33,5%-ға қысқартты.
Қаңтар–қараша айларындағы сыртқы сауда профициті 1,08 трлн АҚШ долларын құрады. Бұл өткен жылдың осы кезеңіндегі 884,7 млрд доллармен салыстырғанда айтарлықтай жоғары.
