Астана. 8 желтоқсан. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев Еуразиялық экономикалық комиссия Алқасының Төрағасы Бақытжан Сағынтаевты қабылдады. Бұл туралы мемлекет басшысының баспасөз қызметі хабарлады.
Кездесу барысында Еуразиялық экономикалық одақтың қазіргі жағдайы мен даму перспективалары, сондай-ақ Қазақстанның 2026 жылы ЕАЭО органдарындағы төрағалығының негізгі басымдықтары қаралды.
Сонымен қатар Бақытжан Сағынтаев мемлекет басшысын 21 желтоқсанда Санкт-Петербург қаласында өтетін Жоғары Еуразиялық экономикалық кеңестің отырысына дайындық барысы туралы хабардар етті.
