Тоқаев Жапаровтың қоғам бірлігін сақтау және қырғыз мемлекеттілігін нығайту жөніндегі бастамасын қолдады
Астана. 17 ақпан. ИНТЕРФАКС-ҚАЗАҚСТАН — Қазақстан Президенті Қасым-Жомарт Тоқаев пен Қырғызстан Президенті Садыр Жапаров телефон арқылы сөйлесу барысында екіжақты және өңірлік ынтымақтастық мәселелерін талқылады. Бұл туралы сейсенбі күні Қазақстан Президентінің баспасөз қызметі хабарлады.
Мемлекет басшылары екіжақты қарым-қатынастардың оң серпінін атап өтіп, сауда-экономикалық, көлік-логистика және су-энергетика салаларындағы ынтымақтастықтың жоғары деңгейде дамып отырғанына қанағаттанушылық білдірді.
Екі елдің көшбасшылары достық, стратегиялық әріптестік және одақтастық рухында мемлекетаралық байланыстарды одан әрі нығайтуға бейілдігін растады.
Баспасөз қызметінің мәліметінше, Тоқаев Жапаровты Қазақстанда жүзеге асырылып жатқан конституциялық реформалар туралы хабардар етті. Өз кезегінде Қырғызстан Президенті Қазақстандағы ауқымды жаңғырту бастамаларын қолдайтынын жеткізді.
Тараптар өңірлік ынтымақтастықтың барлық бағыттары бойынша ортақ ұстаным білдірді. Сонымен қатар Тоқаев Бішкекте өтетін ШЫҰ саммиті мен Дүниежүзілік көшпенділер ойындары сияқты маңызды халықаралық іс-шараларды табысты өткізуге тілектестік білдірді.
Сондай-ақ Қазақстан Президенті Жапаровтың қоғам бірлігін сақтау және қырғыз мемлекеттілігін нығайтуға бағытталған шешімдеріне қолдау білдірді.
