АСТАНА. 27 қараша. ИНТЕРФАКС-ҚАЗАҚСТАН — Қазақстан Сенаты бейсенбі күні өткен жалпы отырыста Мәжіліс бұрын мақұлдаған 1992 жылғы трансшекаралық су ағындары мен халықаралық көлдерді қорғау және пайдалану туралы Конвенцияға қосымша «Су және денсаулық мәселелері жөніндегі хаттаманы» ратификациялау туралы заңды қабылдады.
Осылайша, заң Парламент тарапынан толық мақұлданып, Мемлекет басшысының қол қоюына жолданады.
Мәжілістің аграрлық мәселелер, табиғатты пайдалану және ауылдық аумақтарды дамыту комитетінің қорытындысына сәйкес, бұл хаттаманың мақсаты – халықтың денсаулығы мен әл-ауқатын тұрақты су ресурстарын басқару арқылы қорғау және сумен байланысты аурулардың таралуын болдырмау және шектеу.
Хаттаманың қолдану аясы – тұщы жерүсті және жерасты сулары, эстуарийлер, аквакультурада қолданылатын жағалау сулары, шомылуға арналған жабық сулар, сондай-ақ су алу, тасымалдау, тазарту немесе жеткізу процесіндегі және ағынды сулар.
Қатысушы мемлекеттердің негізгі міндеттемелеріне сумен жабдықтау, санитария, гигиена және денсаулық сақтау салаларында нақты әрі өлшенетін мақсатты көрсеткіштерді белгілеу, сумен байланысты ауруларды бақылау және ерте ескерту жүйесін құру мен жетілдіру, төтенше жағдайлар кезінде қажетті ресурстармен қамтамасыз етілген әрекет ету жоспарларын әзірлеу, сондай-ақ қолданыстағы санитарлық-гигиеналық талаптарға сай сапалы ауызсумен халықты қамтамасыз ету мақсатында ведомствоаралық өзара іс-қимылды күшейту жатады. Хаттамаға қосылу арқылы Қазақстан ауызсуды қауіпсіз дайындау және жеткізу, ағынды суларды қайта пайдалану мен кәдеге жарату саласындағы озық технологиялар мен білімдерге қол жеткізе алады, сондай-ақ төтенше жағдайлар кезінде бірлескен мониторинг пен ерте ескерту жүйелерін және әрекет ету жоспарларын әзірлеуге қатысу мүмкінд
