Астана. 11 қараша. ИНТЕРФАКС-ҚАЗАҚСТАН — Қазақстан Құрылтайы сәрсенбі күнгі отырысында «Жүктерді халықаралық автокөлікпен тасымалдау шарты туралы конвенцияны (ЖХАТШ/CMR) ратификациялау туралы» заңды қарап, екі оқылымда қабылдады.
Конвенция 1956 жылғы 19 мамырда Женева қаласында қабылданған.
Құрылтайдың Өңірлік және инфрақұрылымдық даму жөніндегі комитетінің қорытындысына сәйкес, құжат жүктерді халықаралық автокөлікпен тасымалдау шартын жасасудың, орындаудың және бұзудың бірыңғай қағидаларын белгілейді, сондай-ақ тасымалдаушының шарт талаптарын орындамағаны немесе тиісінше орындамағаны үшін жауаптылығын айқындайды.
Бүгінгі таңда Конвенцияға 58 мемлекет, соның ішінде Тәуелсіз Мемлекеттер Достығына мүше елдердің барлығы қатысушы болып табылады.
«Қазақстан Республикасының Конвенцияға қосылуы отандық және шетелдік тасымалдаушылардың жұмыс жағдайларын біріздендіру, тасымалдаушының жауаптылығын, талаптар мен хабарламаларды қою мерзімдерін айқындау, сондай-ақ жүктерді халықаралық автомобильмен тасымалдау шарттарын жасасудың бірыңғай қағидаларын құру мақсатында қажет», — делінген қорытындыда.
Бұдан бөлек, Құрылтай Конвенцияның электрондық жүкқұжатқа қатысты Қосымша хаттамасын ратификациялады. Бұл құжат 2008 жылғы 20 ақпанда Женева қаласында қабылданған болатын.
Хаттама деректерді электрондық тіркеу және өңдеу әдістерін пайдалана отырып, жүкқұжатты электрондық нысанда рәсімдеу мүмкіндігін көздейді. Бұл халықаралық тасымал саласында цифрлық құжат айналымына өтуге мүмкіндік береді.
Қазақстан Жүктерді халықаралық автокөлікпен тасымалдау шарты туралы конвенцияға қосылады
|
|
Перепечатка и копирование материалов допускаются только с указанием ссылки на eurasia24.media
Бөлісу:
Читать далее:Related
Үкімет шағын және орта бизнеске салық мөлшерлемесін өзгертуден бас тартты
«Ақ жол» фракциясы вице-премьер Серік Жұманғаринге оңайлатылған декларация бойынша салық мөлшерлемесінің өңірге қарай әртүрлі белгіленуі кәсіпкерлерге тең жағдай жасамайтынын мәлімдеді. Депутаттар мөлшерлемені белгілеуді өңірлік мәслихаттарға қалдырмай, бүкіл ел бойынша бірыңғай 2–3% деңгейінде бекітуді ұсынды. Алайда үкімет бұл ұсынысты тағы да қабылдамады. Жаңа Салық кодексі қабылданғалы көп уақыт өтпегенін айтып, оның нәтижесін әлі де бақылау қажет деп есептейді. Вице-премьер депутаттардың сынымен келіспей, кейбір өңірлерде кәсіпкерлер декларацияда көрсеткен табыстың өскенін дәлел ретінде ұсынды. Бірақ депутаттардың көтерген мәселесі мүлде басқа еді. Осыдан үкімет салық реформасын табысты деп көрсетуге жанама болса да негіз болатын көрсеткіштерді әдейі іріктеп отырған жоқ па деген күдік туады.
Климат өзгерісі және жұқпалы аурулар: Қазақстан БҰҰ алаңында бірлесіп әрекет етуге шақырды
Қазақстанның денсаулық сақтау министрі айтқан климат өзгерісінің қауіптері ғылыми зерттеулермен негізделген. Мәселе күннің жылынуынан жұқпалы аурулардың таралуымен ғана шектелмейді. Ауру қоздыратын бактериялардың антибиотиктерге төзімді бола түсуі де қауіп төндіреді.
Жамбыл облысында мектептегі зорлық-зомбылық ісі сотқа жолданды
Жамбыл облысында үш оқушының өліміне ұласқан бопсалау мен зорлық-зомбылыққа қатысты істің тергеуі аяқталды. Арнайы прокурорлар Қордай ауданы Қаракемер ауылындағы мектеп оқушылары арасында әрекет еткен «Система» деп аталатын бейресми құрылымның қызметін тергеді.
Абу-Дабиде Ресей, Украина және АҚШ өкілдері келіссөзге жиналды
Абу-Дабиде Ресей, Украина және АҚШ өкілдерінің ақпаннан бергі алғашқы үшжақты келіссөзі басталды. Тараптар қарулы қақтығысты тоқтату жолдарын талқылап жатыр. Вашингтон бейбіт келісімге қол жеткізу бағытында ілгерілеуге үмітті. Бұл келісім Еуропада жаңа қауіпсіздік жүйесін құруды да қамтуы мүмкін.