Москва, 24 шілде. Таиландта демалып жатқан ресейлік туристер үшін ешқандай қауіп жоқ. Олардың демалыс аймақтары Камбоджамен шекарадағы қарулы қақтығыстардан алыс орналасқан. Бұл туралы бейсенбі күні РесейдіңТуризм индустриясы одағы (РСТ) туроператорларға сілтеме жасап хабарлады.
«Ресейліктер жиі баратын негізгі курорттар қақтығыс аймағынан едәуір қашықта орналасқан. Камбоджаға шекара арқылы жасалатын барлық экскурсиялар шекарадағы жағдай ушыққаннан кейін тоқтатылған. Қазіргі уақытта ресейлік туристер қауіпсіз жағдайда, олардың демалысына бұл оқиғалар еш әсер етпей отыр», – делінген РСТ хабарламасында.
Айта кетейік, маусым айының соңында Таиланд билігі Камбоджамен арадағы барлық жер үсті шекара өткелдерін жапты. Осыған байланысты ресейлік туроператорлар Таиландтан Камбоджаға бағытталған барлық экскурсиялардыда тоқтатты.
Бейсенбі күні таңертең БАҚ-та тараған ақпаратқа сәйкес, шекарадағы Сурин провинциясында қарулы қақтығыстар басталған. Қақтығыс Та Муен Том атты көне ғибадатхана маңында өршіп отыр – бұл нысанның қай елге тиесілі екеніәлі де даулы мәселе.
Тай билігінің мәлімдеуінше, қазіргі кезде қақтығыстар алты елдімекенде жалғасуда. Камбоджа Қорғаныс министрлігі болса, бұл ауылдардың барлығы Камбоджа аумағында екенін, және қарулы күштер оларды белсенді қорғап жатқанын хабарлады.
