Евразия24ЖаңалықтарТоқаев ауыл шаруашылығын қолжетімді шарттармен несиелеуге банктерді кеңінен тарту қажет деп санайды

Тоқаев ауыл шаруашылығын қолжетімді шарттармен несиелеуге банктерді кеңінен тарту қажет деп санайды

|

|

Астана. 20 қараша. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев Үкімет пен Ауыл шаруашылығы министрлігіне екінші деңгейлі банктердің аграрлық саланы қолжетімді шарттармен несиелеуге қатысуын кеңейту мәселесін шешуді тапсырды.

«Екінші деңгейлі банктерді ауыл шаруашылығын несиелеуге кеңінен тарту маңызды. Біз бұл мәселені үнемі айтып келеміз. Әрине, оны шешу оңай емес, өйткені бұлар – жекеменшік банктер. Дегенмен шаруаларға қолайлы шарттармен ұзақ мерзімді несие беру мүмкіндігін қарастырған жөн», – деді Тоқаев жұма күні ауыл шаруашылығы еңбеккерлерінің форумында сөйлеген сөзінде.

Президент қарызды өтеу кестесі өндірістің нақты кезеңдеріне сай жасалып, инвестициялық кезеңде негізгі қарызды төлеуді кейінге қалдыру мүмкіндігі қарастырылуы тиіс екенін атап өтті.

«Мұны игі тілек деуге де болады, бірақ бұл – белгілі бір дәрежеде тапсырма. Бәріміз бір елде өмір сүріп жатырмыз, бір ауамен тыныстап, бір суды пайдаланып отырмыз. Сондықтан табыс деңгейінде, әсіресе қаржы көздеріне қол жеткізу мүмкіндігінде тым үлкен айырмашылық болмауы керек», – деді Мемлекет басшысы.

Оның айтуынша, фермерлер несие бойынша алғашқы төлемді өтеу үшін жиі жағдайда жинаған өнімін орақ науқаны аяқтала салысымен өте арзан бағаға сатуға мәжбүр болады.

«Мұндай жағдайға жол беруге болмайды. Министрлік пен Үкімет осы мәселені шешуге кірісуі қажет. Сонымен қатар шаруалар да біздің мемлекет көптеген елдермен, соның ішінде көршілес мемлекеттермен салыстырғанда бұл салаға орасан зор қаражат бөліп отырғанын түсінуі тиіс. Мұнда мемлекет көмегіне ғана арқа сүйеп отыруға жол жоқ. Яғни бөлінген қаражат барынша тиімді әрі тек мақсатты түрде жұмсалуы қажет», – деп түйіндеді Президент.

Перепечатка и копирование материалов допускаются только с указанием ссылки на eurasia24.media

Бөлісу:

Читать далее:
Related

Қазақстан жасанды интеллектінің көмегімен әлемдік деңгейдегі азық-түлік өндіруші елге айналуы мүмкін – Тоқаев

Қазақстан Президенті Қасым-Жомарт Тоқаевтың пікірінше, ауыл шаруашылығына жасанды интеллект технологияларын енгізу саланың дамуына тың серпін беріп, еліміздің әлемдік деңгейдегі ірі азық-түлік өндіруші елге айналуына жол ашуы мүмкін.

Тоқаев бюджет қаражатын үнемдеу үшін аграрлық саладағы бағдарламаларды оңтайландыруды тапсырды

Қазақстан Президенті Қасым-Жомарт Тоқаев бюджет қаражатын үнемдеу мақсатында Үкіметке аграрлық саладағы бағдарламаларды жан-жақты талдауды тапсырды.

Қазақстанда жеңіл өнеркәсіпке салық жеңілдіктерін беру және проблемалық қарызы кешірілген азаматтарды жеке табыс салығынан босату жөніндегі өзгерістер мақұлданды

Қазақстанда Премьер-министрдің орынбасары – Ұлттық экономика министрі Серік Жұманғариннің төрағалығымен өткен Салық кодексін енгізу жөніндегі жобалық кеңсенің 30-шы отырысында салық заңнамасына қатысты екі түзету мақұлданды. Бұл туралы Үкіметтің баспасөз қызметі хабарлады.

Азия-Тынық мұхиты өңірінің қор индекстері төмендеп жатыр

Жұма күнгі сауда барысында Азия-Тынық мұхиты өңірінің қор индекстері айтарлықтай төмендеді. Осы апта өңірдің қор нарықтары үшін соңғы алты жылдан астам уақыт ішіндегі ең сәтсіз кезең болуы мүмкін.