Вашингтон. 5 шілде. ИНТЕРФАКС – АҚШ президенті Дональд Трамп ел тәуелсіздігінің 250 жылдығына арналған салтанатты сөзінде америкалықтарды әсіре солшыл идеологиядан сақтандырды.
«Бұл елде коммунизмге орын жоқ. Ол ешқашан тиімді болған емес және ешқашан тиімді болмайды», – деді Трамп Вашингтондағы салтанатты жиында сөйлеген сөзінде.
Сонымен қатар ол АҚШ-тың ерекше мемлекет екенін атап өтті.
«Біз – жер бетіндегі ең үздік халықпыз», – деді Америка президенті.
Трамп сөзінің едәуір бөлігін АҚШ тарихына және америкалық армияның рөліне арнады.
Найзағайлы ауа райына байланысты президенттің сөзі жоспарланған уақыттан кеш басталды.
Трамп әдетте «коммунистер» деп соңғы апталарда бірқатар штаттағы сайлауда жеңіске жеткен Демократиялық партияның әсіре солшыл қанатының өкілдерін атайды. Бұған дейін, шілде айының басында, АҚШ президенті коммунизмді ел үшін соңғы ондаған жылдағы ең үлкен қауіп деп бірнеше рет мәлімдеген болатын.
