Астана. 24 қараша. ИНТЕРФАКС-ҚАЗАҚСТАН – Түрікменстан Президенті Сердар Бердімұхамедов Қазақстанға мемлекеттік сапармен келді, деп хабарлады Мемлекет басшысының баспасөз қызметі.
Астана әуежайында мәртебелі мейманды Қазақстан Президенті Қасым-Жомарт Тоқаев қарсы алды.
Құрметті қонақты қарсы алу рәсімі аясында әуежайда Құрмет қарауылы сап түзеді, делінген баспасөз қызметінің хабарламасында.
Бұған дейін хабарланғандай, Сердар Бердімұхамедовтің екі күндік сапары барысында Қазақстан мен Түрікменстан арасындағы стратегиялық әріптестікті нығайтудың перспективалары талқыланатын жоғары деңгейдегі келіссөздер өткізу жоспарланып отыр.
