Вашингтон. 26 сәуір. «Интерфакс» — АҚШ президенті Дональд Трамп Вашингтонда өткен салтанатты кеш барысында болған атыс оқиғасы кезінде зардап шекпеген. Бұл туралы CNN хабарлады.
Арнаның мәліметінше, Ақ үйде аккредитациядан өткен журналистерге арналған шара барысында белгісіз адам оқ атқан.
АҚШ Құпия қызметі қызметкерлері Трампты және оның әкімшілігі мүшелерін қауіпсіз жерге эвакуациялаған.
АҚШ БАҚ деректеріне сәйкес, құқық қорғау органдары күдіктіні ұстаған.
Сондай-ақ кешкі іс-шара кейін қайта жалғасуы мүмкін екені айтылып отыр. Ал Трамп жоспарланғандай сөз сөйлеуі ықтимал.
