РИМ. 11 қазан. ИНТЕРФАКС – Сербия президенті Александр Вучич Ресей тарапынан елді газбен қамтуға қатысты ұсыныстарға қанағаттанбайтынын мәлімдеді.
“Бізге Жаңа жылға дейін ғана газ жеткізуге арналған келісімшарт ұсынылды. Бұл жаңалық бізді қатты қынжылтты”, – деді ол сенбі күні Reporter порталы жариялаған сұхбатында.
Вучичтің айтуынша, Сербия биыл мамыр айында газ жеткізуге қатысты ұзақ мерзімді келісімге қол қоюы тиіс болған.
Бұған дейін хабарланғандай, Сербия президенті дүйсенбі күні “Газпром нефть” компаниясының басшысы Александр Дюковпен және РФ Энергетика министрінің орынбасары Павел Сорокинмен кездесу өткізуді жоспарлап отыр. Кездесу барысында Вучич ресейлік тарапқа, оның пікірінше, өздеріне тиімді болатын Белград ұсыныстарын жеткізетін болады. Дегенмен ол бұл ұсыныстардың қабылданатынына күмән келтіріп отыр.
Айта кетейік, Сербияның энергетикалық қауіпсіздігіне қатысты жағдай осы аптада АҚШ-тың сербиялық NIS мұнай компаниясына санкция енгізуінен кейін күрделене түсті.
