Брюссель. 5 қаңтар. ИНТЕРФАКС – Еуропалық одақ Венесуэлада демократиялық өтпелі кезеңді қолдайды және бұл үдеріске оппозициялық саясаткерлер Эдмундо Гонсалес пен Мария Корина Мачадо қатысуы тиіс. Бұл туралы Еурокомиссияның ресми өкілі Анитта Хиппер мәлімдеді.
«Біздегі деректерге сәйкес, миллиондаған венесуэлалықтар өзгерістерді қолдап дауыс берді және олардың басым бөлігі Эдмундо Гонсалесті қолдады. Сондықтан келесі қадам – Эдмундо Гонсалес пен Мария Корина Мачадоны қамтитын демократиялық өтпелі кезең жөніндегі диалог болуы тиіс», – деді ол дүйсенбі күні өткен брифингте.
Эдмундо Гонсалес 2024 жылғы президенттік сайлауда Венесуэла президенті Николас Мадуроға қарсы оппозицияның бірыңғай кандидаты ретінде қатысқан. Қазіргі уақытта ол Испанияда тұрып жатыр.
Мария Корина Мачадо – Венесуэланың оппозициялық саясаткері. 2025 жылы оған Нобель бейбітшілік сыйлығы табысталған.
