Брюссель. 5 қаңтар. ИНТЕРФАКС – Швейцария Венесуэла президенті Николас Мадуроға және оған жақын тұлғаларға тиесілі активтерді бұғаттады. Бұл туралы елдің Федералдық кеңесі хабарлады.
«2026 жылғы 5 қаңтарда Федералдық кеңес дереу күшіне енетін шешім қабылдап, Николас Мадуро мен онымен байланысты тұлғалардың Швейцария аумағындағы барлық активтерін бұғаттау жөнінде қаулы шығарды», – делінген дүйсенбі күні таратылған ресми хабарламада.
Құжатта атап көрсетілгендей, бұл шара активтердің әкетілуіне жол бермеу мақсатында қабылданған.
Сонымен қатар баспасөз хабарламасында активтерді бұғаттау шарасы Венесуэланың қазіргі үкімет мүшелеріне қолданылмайтыны нақты көрсетілген.
«Алдағы сот процестерінің нәтижесінде қаражаттың заңсыз жолмен алынғаны анықталған жағдайда, Швейцария бұл қаражаттың Венесуэла халқына пайда әкелуіне күш салатын болады», – деп көрсетілген құжатта.
Еске сала кетейік, 3 қаңтарда АҚШ Венесуэлаға бірқатар әуе соққыларын жасап, кейін Николас Мадуроны жұбайымен бірге ұстап, АҚШ-қа жеткізген. Қазіргі уақытта ол сотты күтуде.
