Лондон. 31 наурыз. ИНТЕРФАКС – Ұлыбритания Премьер-министрі Кир Стармер сейсенбі күні Лондонда Сирия Президенті Ахмед аш-Шараамен кездесу өткізіп, Сириядағы инфрақұрылымды қалпына келтіру және сириялық босқындардың болашағы мәселелерін талқылады. Бұл туралы Ұлыбритания үкіметі хабарлады.
Хабарламада айтылғандай, Стармер көші-қон саласында ілгерілеуге қол жеткізу жолдарын, оның ішінде босқындарды елдеріне қайтару бағытындағы ынтымақтастықты күшейту мәселесін көтерген.
Даунинг-стриттің мәліметінше, Ұлыбритания Премьер-министрі мен Сирия Президенті инфрақұрылымды қалпына келтіру Сирия экономикасының өтпелі кезеңі үшін аса маңызды екеніне келіскен. Сонымен қатар тараптар түрлі салаларда британдық компаниялардың қатысу мүмкіндіктерін қарастырған.
Бұған дейін Ахмед аш-Шараа Германия Федеративтік Республикасының канцлері Фридрих Мерцпен келіссөздер жүргізген. Кездесу барысында, атап айтқанда, Германиядан жүздеген мың сириялық босқынды отанына қайтару бағытында ынтымақтастық орнату жөнінде келісімге қол жеткізілген.
