Жақсы жаңалыққа кезек берейік. Әлеуметтік желілерде елордалық балабақшалардың бірінде тәрбиешілердің ата-аналарға дайындаған ерекше тосынсыйы бейнеленген видео қызу талқыланып жатыр.
«Астанадағы балабақшалардың бірінде тәрбиешілер күннің соңында бүлдіршіндердің шашын түрлі күлкілі үлгіде сәндеп, ата-аналарына көтеріңкі көңіл күй сыйлады. Күтпеген тосынсый аналар мен әкелердің жүздеріне күлкі үйіріп, видео әлеуметтік желілерде тез тарады. Қолданушылар дәл осындай қарапайым әрі шынайы сәттер балалық шақты бақытты ететінін жазуда», – деп хабарлайды kztodaynews .
Айта кетерлігі, бұл балабақшадағы қыздардың ерекше шаш үлгілері – тәрбиешілердің жалғыз шығармашылық бастамасы емес.
Жуырда ұл балаларға да қиярдан жасалған бетке арналған маскалармен шағын SPA рәсімі ұйымдастырылған .
Нағыз антистресс десеңіз – осы астаналық тәрбиешілер. Жұмыстан шаршап келгенде алдыңыздан жай ғана балаңыз емес, басында «пальма» тәрізді күлкілі шаш үлгісі бар көңілді бүлдіршін немесе SPA рәсімінен шыққан кішкентай сәнқой жүгіріп шықса, еріксіз күліп жіберетініңіз анық. Осындай тәрбиешілері бар балабақшада балалардың көңіл күйі мен мерекелік атмосфера үшін алаңдамаса да болады. Креативтері үшін құрметке әбден лайық!
