Евразия24ЖаңалықтарТрамп Канада тауарларына 50 пайыздық баж салығын енгізуді кейінге қалдыруы мүмкін

Трамп Канада тауарларына 50 пайыздық баж салығын енгізуді кейінге қалдыруы мүмкін

|

|

Вашингтон. 19 тамыз. ИНТЕРФАКС – АҚШ президенті Дональд Трамп Канададан импортталатын тауарларға 50% көлемінде кедендік баж салығын енгізу мерзімін кейінге шегеру мүмкіндігін қарастырып жатыр. Бұл туралы Politico ақпарат көздеріне сілтеме жасап хабарлады.

Басылымның үш дереккөзі АҚШ пен Канада арасында жаңа баж салығын енгізбеуге мүмкіндік беретін келісім жобасы Трамптың қарауында екенін мәлімдеген.

Енді баж салығының жоспарланғандай 19 тамызда Вашингтон уақытымен сағат 00:01-де (Мәскеу уақытымен 07:01-де) күшіне енуі АҚШ президентінің шешіміне байланысты.

Politico мәліметінше, АҚШ пен Канада өкілдері бірнеше күннен бері тікелей келіссөз жүргізіп келеді. Вашингтон Канададан былтыр Трамп енгізген тарифтерге жауап ретінде қабылданған шараларды алып тастауды талап етіп отыр. Олардың қатарында АҚШ-та өндірілген алкоголь өнімдеріне қойылған шектеулер мен америкалық автокөліктерге салынған баж салығы бар.

Тараптар талқылап жатқан ықтимал келісімде Канаданың сүт өнімдеріне қатысты тарифтік квота бойынша да бірқатар шартқа келісуі қарастырылған.

Дереккөздердің айтуынша, автокөлікке салынатын баж салығы әзірге келіссөздегі негізгі келіспеушілік болып отыр.

Канада автокөлікке белгіленген 25 пайыздық тарифті төмендетуді және баж салығын тек Солтүстік Америкадан тыс жерде шығарылған көліктерге қолдануды көздейді.

Ал АҚШ америкалық шарап пен күшті алкоголь өнімдерінің Канада нарығына қайта оралуын келіссөздегі басты талаптардың бірі ретінде белгілеген.

Келіссөзге қатысушылар осы мәселелер бойынша ортақ шешімге келу екі ел арасындағы ауқымды сауда келіссөздеріне жол ашады деп үміттенеді. Биыл Солтүстік Америкадағы сауда келісімінің талаптары да қайта қаралуға тиіс, деп жазады Politico.

Сәрсенбіде күшіне енуі тиіс жаңа баж салығы екі ел арасындағы сауданың шағын бөлігіне ғана қатысты болғанымен, ол жалпы көлемі шамамен $1 трлн болатын тауарлар мен қызметтер саудасы жөніндегі келіссөздерге кері әсер етуі мүмкін.

Шілде айында Трамп Канададан импортталатын бірқатар тауарға – шараптан бастап хоккей таяқшалары мен цементке дейін – қосымша 50 пайыздық баж салығын енгізу туралы құжатқа қол қойған.

Құжатта келіссөздерді жалғастыруға уақыт беру мақсатында жаңа тарифтерді бір айдан кейін күшіне енгізу көзделген.

Сейсенбі күні Канада премьер-министрі Марк Карнидің кеңсесі оның Дональд Трамппен сол күні келіссөздердің қазіргі барысын тағы да талқылағанын растады.

Перепечатка и копирование материалов допускаются только с указанием ссылки на eurasia24.media

Бөлісу:

Читать далее:
Related

Тоқаев ауыл шаруашылығын қолжетімді шарттармен несиелеуге банктерді кеңінен тарту қажет деп санайды

Қазақстан Президенті Қасым-Жомарт Тоқаев Үкімет пен Ауыл шаруашылығы министрлігіне екінші деңгейлі банктердің аграрлық саланы қолжетімді шарттармен несиелеуге қатысуын кеңейту мәселесін шешуді тапсырды.

Қазақстан жасанды интеллектінің көмегімен әлемдік деңгейдегі азық-түлік өндіруші елге айналуы мүмкін – Тоқаев

Қазақстан Президенті Қасым-Жомарт Тоқаевтың пікірінше, ауыл шаруашылығына жасанды интеллект технологияларын енгізу саланың дамуына тың серпін беріп, еліміздің әлемдік деңгейдегі ірі азық-түлік өндіруші елге айналуына жол ашуы мүмкін.

Тоқаев бюджет қаражатын үнемдеу үшін аграрлық саладағы бағдарламаларды оңтайландыруды тапсырды

Қазақстан Президенті Қасым-Жомарт Тоқаев бюджет қаражатын үнемдеу мақсатында Үкіметке аграрлық саладағы бағдарламаларды жан-жақты талдауды тапсырды.

Қазақстанда жеңіл өнеркәсіпке салық жеңілдіктерін беру және проблемалық қарызы кешірілген азаматтарды жеке табыс салығынан босату жөніндегі өзгерістер мақұлданды

Қазақстанда Премьер-министрдің орынбасары – Ұлттық экономика министрі Серік Жұманғариннің төрағалығымен өткен Салық кодексін енгізу жөніндегі жобалық кеңсенің 30-шы отырысында салық заңнамасына қатысты екі түзету мақұлданды. Бұл туралы Үкіметтің баспасөз қызметі хабарлады.