Евразия24ЖаңалықтарТаяу Шығыстағы қақтығыс газ қоймаларын толтыруға кедергі келтірмейді

Таяу Шығыстағы қақтығыс газ қоймаларын толтыруға кедергі келтірмейді

|

|

Брюссель. 20 тамыз. ИНТЕРФАКС – Еурокомиссия жылыту маусымы басталғанға дейін жерасты қоймаларындағы газ қорын қажетті деңгейге жеткізу үшін ЕО елдерімен бірлесіп жұмыс жүргізіп жатыр. Бұл туралы Еурокомиссияның ресми өкілі Эва Хрнчирова мәлімдеді.

«Газ жинау қарқыны алдыңғы жылдармен салыстырғанда біршама баяу. Дегенмен қазіргі жағдай қалыпты, қоймалардағы қор 62%-ға жуықтады. Алдағы қыс қарсаңында Еуроодақта газбен қамтамасыз ету қауіпсіздігіне тікелей қатер төніп тұрған жоқ», – деді ол бейсенбі күні Брюссельде өткен брифингте.

Еурокомиссия өкілінің айтуынша, биыл газ қоймаларын әдеттегідей толық толтыру міндеті қойылмаған. Қоймалардағы қорды 80% деңгейіне жеткізу көзделіп отыр.

Хрнчирова Еурокомиссияның газ мәселелері жөніндегі үйлестіру тобының отырысы өткенін, келесі жиын қыркүйекке жоспарланғанын хабарлады. Қазіргі уақытта төтенше жағдай туындауы мүмкін деген белгі жоқ.

Ормуз бұғазындағы жағдайдың газ жеткізіліміне ықпалы туралы сұраққа жауап берген ЕК өкілі өңірдегі тұрақсыздыққа қарамастан, Еуропаны газбен қамтамасыз етуге қауіп төніп тұрған жоқ екенін айтты.

Еуропалық газ инфрақұрылымы операторларының Gas Infrastructure Europe мәліметінше, 18 тамыздағы жағдай бойынша Еуропаның жерасты қоймаларындағы газ қоры 61,61%-ға жетті. Бұл осы кезеңдегі соңғы бес жылдың орташа көрсеткішінен 17,13 пайыздық тармаққа төмен. Соңғы жеті күнде қоймаларға тәулігіне орта есеппен 297 млн текше метр газ жиналды. Бұл бес жылдық орташа деңгейден 16,4% аз.

Еуропадағы табиғи газ қоры әлемдік газ нарығындағы маңызды көрсеткіштердің бірі саналады. ЕО-дағы жерасты қоймаларына жалпы 109 млрд текше метр белсенді газ сыяды. Сонымен қатар Еуропа жиынтық көрсеткіш бойынша әлемдегі ең ірі сұйытылған табиғи газ импорттаушысына айналды.

Перепечатка и копирование материалов допускаются только с указанием ссылки на eurasia24.media

Бөлісу:

Читать далее:
Related

Тоқаев ауыл шаруашылығын қолжетімді шарттармен несиелеуге банктерді кеңінен тарту қажет деп санайды

Қазақстан Президенті Қасым-Жомарт Тоқаев Үкімет пен Ауыл шаруашылығы министрлігіне екінші деңгейлі банктердің аграрлық саланы қолжетімді шарттармен несиелеуге қатысуын кеңейту мәселесін шешуді тапсырды.

Қазақстан жасанды интеллектінің көмегімен әлемдік деңгейдегі азық-түлік өндіруші елге айналуы мүмкін – Тоқаев

Қазақстан Президенті Қасым-Жомарт Тоқаевтың пікірінше, ауыл шаруашылығына жасанды интеллект технологияларын енгізу саланың дамуына тың серпін беріп, еліміздің әлемдік деңгейдегі ірі азық-түлік өндіруші елге айналуына жол ашуы мүмкін.

Тоқаев бюджет қаражатын үнемдеу үшін аграрлық саладағы бағдарламаларды оңтайландыруды тапсырды

Қазақстан Президенті Қасым-Жомарт Тоқаев бюджет қаражатын үнемдеу мақсатында Үкіметке аграрлық саладағы бағдарламаларды жан-жақты талдауды тапсырды.

Қазақстанда жеңіл өнеркәсіпке салық жеңілдіктерін беру және проблемалық қарызы кешірілген азаматтарды жеке табыс салығынан босату жөніндегі өзгерістер мақұлданды

Қазақстанда Премьер-министрдің орынбасары – Ұлттық экономика министрі Серік Жұманғариннің төрағалығымен өткен Салық кодексін енгізу жөніндегі жобалық кеңсенің 30-шы отырысында салық заңнамасына қатысты екі түзету мақұлданды. Бұл туралы Үкіметтің баспасөз қызметі хабарлады.