Евразия24ЖаңалықтарӘскери қызметшілердің өмірі мен денсаулығын сақтау барлық деңгейдегі қолбасшылық үшін басты міндет...

Әскери қызметшілердің өмірі мен денсаулығын сақтау барлық деңгейдегі қолбасшылық үшін басты міндет болуы тиіс – Тоқаев

|

|

Астана. 27 қыркүйек. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев Қорғаныс министрі Айдос Мырзахметовті қабылдады, деп хабарлады Мемлекет басшысының баспасөз қызметі.

Кездесу барысында Президент елдің қорғаныс қабілетін нығайту, Қарулы күштердің жауынгерлік әзірлігін арттыру және әскери басқару жүйесін жетілдіру жөнінде нақты тапсырмалар берді.

Әскери қызметтің қауіпсіздігіне ерекше мән берілді. Тоқаев әскери қызметшілердің өмірі мен денсаулығын сақтау барлық деңгейдегі қолбасшылық үшін бұлжымас басымдық болуы қажет екенін атап өтті.

Президент сондай-ақ әскери қызметшілердің кәсіби даярлығын жетілдіру, әскери инфрақұрылымды дамыту, қару-жарақ пен техниканы жаңғырту, заманауи технологиялар мен цифрлық шешімдерді енгізу жөнінде міндеттер қойды.

Сонымен қатар Мемлекет басшысы әскердегі тәрбие жұмысын күшейтіп, әскери қызметшілердің бойында жауапкершілік, тәртіп және Отанға адалдық қасиеттерін қалыптастыруға баса мән беру қажеттігін айтты.

Әскери қызметшілер мен олардың отбасы мүшелерін әлеуметтік қолдау мәселелеріне де ерекше көңіл бөлінді.

Бұған дейін хабарланғандай, жексенбі күні Тоқаев Дәурен Қосановты Қорғаныс министрі қызметінен босатып, оның орнына Қазақстан Қарулы күштері Арнайы операциялар күштерінің бұрынғы қолбасшысы Айдос Мырзахметовті тағайындады.

Өткен бейсенбіде Маңғыстау облысындағы Каспий теңізінің жағалауында өткен «Хазар Қорғаны – 2026» оқу-жаттығуы кезінде «Қайсар» катерінен жағаға түсу барысында 17 әскери қызметшіні теңізге ағыс алып кеткен. Олардың үшеуі құтқарылып, 14-і қаза тапты.

Перепечатка и копирование материалов допускаются только с указанием ссылки на eurasia24.media

Бөлісу:

Читать далее:
Related

Тоқаев ауыл шаруашылығын қолжетімді шарттармен несиелеуге банктерді кеңінен тарту қажет деп санайды

Қазақстан Президенті Қасым-Жомарт Тоқаев Үкімет пен Ауыл шаруашылығы министрлігіне екінші деңгейлі банктердің аграрлық саланы қолжетімді шарттармен несиелеуге қатысуын кеңейту мәселесін шешуді тапсырды.

Қазақстан жасанды интеллектінің көмегімен әлемдік деңгейдегі азық-түлік өндіруші елге айналуы мүмкін – Тоқаев

Қазақстан Президенті Қасым-Жомарт Тоқаевтың пікірінше, ауыл шаруашылығына жасанды интеллект технологияларын енгізу саланың дамуына тың серпін беріп, еліміздің әлемдік деңгейдегі ірі азық-түлік өндіруші елге айналуына жол ашуы мүмкін.

Тоқаев бюджет қаражатын үнемдеу үшін аграрлық саладағы бағдарламаларды оңтайландыруды тапсырды

Қазақстан Президенті Қасым-Жомарт Тоқаев бюджет қаражатын үнемдеу мақсатында Үкіметке аграрлық саладағы бағдарламаларды жан-жақты талдауды тапсырды.

Қазақстанда жеңіл өнеркәсіпке салық жеңілдіктерін беру және проблемалық қарызы кешірілген азаматтарды жеке табыс салығынан босату жөніндегі өзгерістер мақұлданды

Қазақстанда Премьер-министрдің орынбасары – Ұлттық экономика министрі Серік Жұманғариннің төрағалығымен өткен Салық кодексін енгізу жөніндегі жобалық кеңсенің 30-шы отырысында салық заңнамасына қатысты екі түзету мақұлданды. Бұл туралы Үкіметтің баспасөз қызметі хабарлады.