Евразия24Не болдыАстанада бір отбасы егіз сәбилерінен айырылды

Астанада бір отбасы егіз сәбилерінен айырылды

|

|

Қайғылы оқиға Перинаталдық орталықта орын алған. Жүкті әйел екі апта аралығында егіздерінің алдымен бірінен, кейін екіншісінен айырылған.

«Астана қаласының Қоғамдық денсаулық сақтау басқармасы екі нәрестенің өлімінен кейін қалалық перинаталдық орталықта (ҚПО) қызметтік тексеру бастады. Егіздің бірі ана құрсағында шетінеп кеткен. Алайда дәрігерлер анасының жағдайы күрт нашарлағанға дейін оны алып тастамау туралы шешім қабылдаған. Кейін екінші нәресте де көз жұмды», – деп хабарлайды Qumash.kz .

Басылым мәліметінше, медицинада шетінеп кеткен ұрықты құрсақта белгілі бір уақытқа қалдыру тәсілі бар. Мұндағы мақсат – тірі нәрестенің тым ерте дүниеге келуіне жол бермей, оның әрі қарай жетілуіне мүмкіндік беру. Алайда мұндай тәсілдің тәуекелі жоғары және дәрігерлер тарапынан мұқият бақылауды қажет етеді.

ҚПО-да пациенттен алынған талдаулардың нәтижесі өте нашар болғанына қарамастан, шұғыл операция жасау туралы шешім тағы үш күннен кейін ғана қабылданған. Дәрігерлер шетінеп кеткен нәрестені плацентаға зақым келтірмей алып шыққан. Алайда жүктіліктің 31-аптасында дүниеге келген екінші сәби сепсис салдарынан небәрі бір тәулік өмір сүрді. Ата-анасы оған Арлан деп ат қойған.

Кішкентай Арланның өмір сүруіне мүмкіндік бермеген осынау жан түршігерлік қайғылы оқиға туралы не айтуға болады?

Қазақстан Республикасы Денсаулық сақтау министрлігінің көпұрықты жүктілікке қатысты қолданыстағы клиникалық хаттамасында жүктіліктің 34 аптасына дейін ұрықтардың бірі антенаталдық кезеңде шетінеп кеткен жағдайда жүктілікті әрі қарай жалғастыру көзделгені нақты көрсетілген.

Демек, Перинаталдық орталық дәрігерлері босанатын әйел мен оның туыстарына жалған ақпарат бермеген. Алайда жүктілікті жалғастыру оны бақылаусыз қалдыру деген сөз емес. Халықаралық ұсынымдарға сәйкес, мұндай жағдайда жүйелі түрде ультрадыбыстық зерттеу мен допплерография жүргізіліп, ортаңғы ми артериясындағы қан ағымы бағалануы, сондай-ақ тірі қалған егіздің өсуі мен жалпы жағдайы тұрақты бақылауда болуы қажет. Яғни шұғыл босандыруға көрсетілім болмаған жағдайда ғана жүктілік жалғастырылады.

Жарияланған мәліметке қарағанда, жүкті әйел өзін нашар сезінгенін айтып шағымданған, ал талдау нәтижелері де көңіл көншітпеген. Осындай жағдайда дәрігерлердің бұл белгілерді шұғыл медициналық араласуға негіз ретінде ескермегені түсініксіз. Ақырында оның салдары қайтымсыз болды.

 

 

Перепечатка и копирование материалов допускаются только с указанием ссылки на eurasia24.media

Бөлісу:

Читать далее:
Related

Тоқаев ауыл шаруашылығын қолжетімді шарттармен несиелеуге банктерді кеңінен тарту қажет деп санайды

Қазақстан Президенті Қасым-Жомарт Тоқаев Үкімет пен Ауыл шаруашылығы министрлігіне екінші деңгейлі банктердің аграрлық саланы қолжетімді шарттармен несиелеуге қатысуын кеңейту мәселесін шешуді тапсырды.

Қазақстан жасанды интеллектінің көмегімен әлемдік деңгейдегі азық-түлік өндіруші елге айналуы мүмкін – Тоқаев

Қазақстан Президенті Қасым-Жомарт Тоқаевтың пікірінше, ауыл шаруашылығына жасанды интеллект технологияларын енгізу саланың дамуына тың серпін беріп, еліміздің әлемдік деңгейдегі ірі азық-түлік өндіруші елге айналуына жол ашуы мүмкін.

Тоқаев бюджет қаражатын үнемдеу үшін аграрлық саладағы бағдарламаларды оңтайландыруды тапсырды

Қазақстан Президенті Қасым-Жомарт Тоқаев бюджет қаражатын үнемдеу мақсатында Үкіметке аграрлық саладағы бағдарламаларды жан-жақты талдауды тапсырды.

Қазақстанда жеңіл өнеркәсіпке салық жеңілдіктерін беру және проблемалық қарызы кешірілген азаматтарды жеке табыс салығынан босату жөніндегі өзгерістер мақұлданды

Қазақстанда Премьер-министрдің орынбасары – Ұлттық экономика министрі Серік Жұманғариннің төрағалығымен өткен Салық кодексін енгізу жөніндегі жобалық кеңсенің 30-шы отырысында салық заңнамасына қатысты екі түзету мақұлданды. Бұл туралы Үкіметтің баспасөз қызметі хабарлады.