Евразия24ЖаңалықтарТоқаев Қазақстандағы құқықтық тәртіп пен қоғамдық қауіпсіздік деңгейін арттыруды тапсырды

Тоқаев Қазақстандағы құқықтық тәртіп пен қоғамдық қауіпсіздік деңгейін арттыруды тапсырды

|

|

Астана. 5 қазан. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев Ішкі істер министрі Ержан Саденовті қабылдап, елдегі құқықтық тәртіп пен қоғамдық қауіпсіздік деңгейін одан әрі арттыру жөнінде шаралар қабылдауды тапсырды, деп хабарлады Мемлекет басшысының баспасөз қызметі.

«Мемлекет басшысы елдегі құқықтық тәртіп пен қоғамдық қауіпсіздік деңгейін одан әрі арттыру жөнінде бірқатар тапсырма берді», – делінген дүйсенбі күні таратылған Президент баспасөз қызметінің хабарламасында.

Саденов Президентке биылғы тоғыз айда қылмыс деңгейі 15%-ға төмендегенін баяндады. Нақты есеппен алғанда, былтырғы сәйкес кезеңмен салыстырғанда 11 мыңнан астам қылмыс аз тіркелген. Аса қауіпті қылмыс түрлері, қоғамдық орындар мен көшелердегі құқық бұзушылықтар, отбасылық-тұрмыстық саладағы, кәмелетке толмағандар мен бұрын сотталғандар арасындағы қылмыстар да азайған.

Ішкі істер министрі бұған дейін ашылмай келген 2,5 мыңнан астам қылмыстың ашылғанын да хабарлады. ДНҚ сараптамасын қоса алғанда, заманауи криминалистикалық әдістер осыдан көп жыл бұрын жасалған қылмыстарға қатысы бар адамдарды анықтауға мүмкіндік беріп отыр.

Жыл басынан бері азаматтар, еріктілер мен қоғамдық көмекшілерден түскен ақпараттың арқасында 12 мыңнан астам әкімшілік құқық бұзушылықтың жолы кесіліп, 357 қылмыс ашылған.

Сонымен қатар іздеуде жүрген 1039 адамның жүрген жері анықталды. Олардың 154-і Қазақстаннан тыс жерде ұсталған. Шет мемлекеттердің сұрауы бойынша Қазақстан аумағында іздеуде жүрген 537 қылмыскер анықталып, қолға түсті.

Саденовтің айтуынша, жыл басынан бері ІІМ тергеп жатқан қылмыстық істер бойынша 49 млрд теңге өтелді. Бұл өткен жылдың сәйкес кезеңімен салыстырғанда 22,5%-ға көп. Оның 6,5 млрд теңгеден астамы интернет-алаяқтықтан зардап шеккен азаматтарға қайтарылды. Мұндай қылмыстар саны 21%-ға азайды. Интернет-алаяқтықтың алдын алу мақсатында 8,7 мың алаяқтық және фишингтік сайт бұғатталып, 187 млн алаяқтық қоңыраудың жолы кесілді.

Бұдан бөлек, бейнебақылау жүйесінің көмегімен 2,2 мыңнан астам адам танылып, ұсталды.

Перепечатка и копирование материалов допускаются только с указанием ссылки на eurasia24.media

Бөлісу:

Читать далее:
Related

Азия-Тынық мұхиты өңірінің қор индекстері төмендеп жатыр

Жұма күнгі сауда барысында Азия-Тынық мұхиты өңірінің қор индекстері айтарлықтай төмендеді. Осы апта өңірдің қор нарықтары үшін соңғы алты жылдан астам уақыт ішіндегі ең сәтсіз кезең болуы мүмкін.

Сауд Арабиясы қыркүйекте мұнай өндіру көлемін 34%-ға, экспортын 21%-ға арттырды – JODI

Сауд Арабиясы қыркүйек айында мұнай өндіру көлемін тамызбен салыстырғанда 34,2 пайызға, ал экспортын 20,9 пайызға ұлғайтты. Бұл туралы Joint Organization Data Initiative (JODI) ұйымының сайтында хабарланды.

Алтын бағасы 3,3%-ға төмендеп, наурыздан бергі ең үлкен апталық құлдырауға бет алды

Мәскеу. 20 қараша. ИНТЕРФАКС – Жұма күні алтын бағасы...

Қытай он айда Ресейден бидай импортын 3,2 есе, арпа импортын 2,3 есе, жүгері импортын 34,2%-ға арттырды – ҚХР Бас кеден басқармасы

2026 жылдың қаңтар–қазан айларында Қытай Ресейден 21,6 млн долларға бидай импорттады. Бұл 2025 жылдың сәйкес кезеңіндегі көрсеткіштен (6,7 млн доллар) 3,2 есе көп. Мұндай мәлімет Қытай Халық Республикасының Бас кеден басқармасы жариялаған материалдарда келтірілген.