Гонконг. 31 шілде. ИНТЕРФАКС – Мьянма билігі жалпыұлттық сайлау өткізуге дайындық жүргізуде. Жергілікті бұқаралық ақпарат құралдарының хабарлауынша, дауыс беру үдерісін ұйымдастыру мақсатында 11 адамнан тұратын арнайы сайлау комиссиясы құрылып жатыр.
Комиссияны Мьянма Қарулы күштерінің бас қолбасшысы әрі президент міндетін уақытша атқарушы Мин Аун Хлайн басқарады. Сайлау желтоқсан айына жоспарланған. Дауыс беру күні нақты жарияланған жоқ.
Бұл сайлау 2021 жылы ақпанда болған әскери төңкерістен кейінгі алғашқы сайлау болмақ. Аталған төңкеріс кезінде әскери билік елде төтенше жағдай енгізіп, сол кездегі президент Вин Мьин, “Ұлттық демократия лигасының” көшбасшысы Аун Сан Су Чжи және басқа да жоғары лауазымды шенеуніктерді 2020 жылғы парламенттік сайлау нәтижелерін бұрмалады деген айыппен қамауға алған болатын.
Сол кезден бері Мьянма халықаралық сынға ұшырады. БҰҰ, АҚШ, Еуропалық Одақ, Ұлыбритания және Австралия ел билігін заңды сайлау нәтижелерін мойындауға және тұтқындалған азаматтық саясаткерлерді босатуға шақырды.
