ВАШИНГТОН. 10 тамыз. ИНТЕРФАКС – Ақ үй әкімшілігі АҚШ президенті Дональд Трамп пен Ресей президенті Владимир Путиннің Аляскада өтетін кездесуіне Украина президенті Владимир Зеленскийді шақыру мүмкіндігін әлі де зерделеп жатыр. Бұл туралы NewsNation телеарнасы Ақ үй өкіліне сілтеме жасап хабарлады.
Хабарламада «кездесудің толық форматы әлі келісілмегендіктен, Зеленскийдің екі көшбасшымен бірге шараға қатысатыны әзірге белгісіз» екені атап өтілген.
Сондай-ақ The Washington Post басылымы кездесуге дайындық барысымен таныс дереккөзге сүйене отырып, «Зеленскийге әзірге ресми шақыру жіберілмеген» деп жазды.
