АСТАНА. 10 қазан. ИНТЕРФАКС-ҚАЗАҚСТАН – Қазақстан Екінші дүниежүзілік соғыс тарихын бұрмалау және фашизмге қарсы Жеңістің тарихи маңызын кемсіту әрекеттеріне түбегейлі қарсы. Бұл туралы Президент Қасым-Жомарт Тоқаев Душанбеде өткен ТМД мемлекет басшылары кеңесінің отырысында мәлімдеді.
«Қазақстанда халқымыздың әкелері мен аналары, Жеңіс ұрпағы – адамзаттық құндылықтарды барша мемлекеттердің игілігі үшін қорғаған жандардың теңдессіз ерлігі қастерленеді. ТМД-ға мүше мемлекеттер, соның ішінде Қазақстан, осы ұлы Жеңістің 80 жылдығын лайықты түрде атап өтті. Бұл шаралардың шарықтау шегі ретінде Мәскеу мен Бейжіңде өткен мазмұны мен ауқымы зор әскери шерулер болды», – деді Мемлекет басшысы.
Оның айтуынша, қазіргі ұрпақтың парызы – адамзат тарихындағы қанқұйлы соғыстың шынайы қатысушылары мен қаһармандарының ерлігін мәңгі есте сақтау.
Президенттің бұл мәлімдемесін баспасөз қызметі таратты.
