Дубай. 13 қараша. ИНТЕРФАКС – Сирияның Ұлыбританиядағы елшілігі ресми түрде өз жұмысын қайта бастады, деп хабарлайды бейсенбі күні SANA сириялық ақпарат агенттігі.
«Бұрынғы Сирия президенті Башар Асад режимі салдарынан жылдар бойы оқшауланудан кейін бүгін біз Лондонда Сирия елшілігін қайта ашып отырмыз», – деді Сирия сыртқы істер министрі Ассаад аш-Шибани дипломатиялық өкілдік ғимаратының балконынан сөйлеген сөзінде. Елшілік ғимаратына Сирия туы көтерілді.
Ассаад аш-Шибани елшіліктің қайта ашылуы «жаңа кезеңнің басталуына жол ашып, Сирияның халықаралық аренадағы рөлін қалпына келтіруге септігін тигізеді» деген үміт білдірді.
Өткен аптада Ұлыбритания Сирияның уақытша президенті Ахмед аш-Шараадан санкцияларды алып тастаған болатын.
Еске сала кетейік, Сирия елшілігі Лондонда 2012 жылы жабылған еді. Бұл шешім Сириядағы азаматтық соғыс басталғаннан кейін және Сирия мен Ұлыбритания арасындағы дипломатиялық қарым-қатынастардың нашарлауына байланысты қабылданған.
