Экономика

Біздің бағалауымыз бойынша, базалық мөлшерлеменің бұрынғы деңгейде сақталуы Ұлттық Банктің қазіргі инфляциялық ахуалдың күрделілігін ашық түрде мойындағанын көрсетеді.

13 қаңтарда Үкімет отырысында Су ресурстары және ирригация министрі Нұржан Нұржігітов 2025 жылға арналған сумен жабдықтау нысандарын салу және қайта жаңғырту жөніндегі жоспардың артығымен орындалғанын мәлімдеді. Бұл ақпарат, Қазақстанда сумен жабдықтау деңгейі әлі де 100 пайызға жетпегенін ескерсек, көңіл қуантады. Өнеркәсіп және құрылыс министрлігінің деректеріне сәйкес, қазіргі таңда қалаларда орталықтандырылған сумен жабдықтау деңгейі 99,3 пайызды, ал ауылдық елді мекендерде 97,5 пайызды құрайды. Осыған байланысты бюджет қаражаты есебінен нақты қандай нысандардың және қай өңірлерде салынғанын егжей-тегжейлі анықтап көрмекпіз.

Біз Қазақстанға әбден үйреншікті құбылысқа – қаржы жылының соңында байқалатын «есептік серпіліске» тағы да куә болдық. Әдетте кез келген жылдың соңғы тоқсанында бюджет қаражатын игеру ең жоғары қарқын алады.

Ресми статистика әлеуметтік маңызы бар нан бағасының айтарлықтай өскенін көрсетті. Бұл өсім жылдың басында байқалды. Бірінші сұрыпты ұннан пісірілген нан бағасы 30 желтоқсан мен 8 қаңтар аралығында Қазақстан бойынша орта есеппен 1,8 пайызға қымбаттады.

«Еуразия-24» өз 2025 жылын мынадай мақаламен аяқтады: «ЭЫДҰ бағалауы: Қазақстанда мемлекеттік ықпал бәсекелестікті тежеп отыр» Айта кету керек, бұл – редакция көзқарасы емес, Экономикалық ынтымақтастық және даму ұйымының (ЭЫДҰ) Қазақстандағы бәсекелестік ахуалына жасаған жаңа шолуынан үзінді. Құжатта тура мынадай тұжырым келтіріледі: «Экономикадағы мемлекеттің жоғары үлесі – Қазақстан он жыл бұрын іске асыруға дайын екенін мәлімдеген реформалардың жүзеге асуын тежеп отыр».Бір қарағанда, Қазақстанның 2026 жылға қадам басқан сәтіндегі басты жаңалық ретінде ел мүше де емес халықаралық ұйымның есебі қалайша қарастырылады деген сұрақ тууы мүмкін.Алайда бұл ұйым — Экономикалық ынтымақтастық және даму ұйымы (ЭЫДҰ) — Қазақстанның ұзақ жылдар бойғы институционалдық реформалары мен әлеуметтік-экономикалық даму стратегияларының негізгі бағдарларына айналған.