Eurasia.expert хабарлайды: «Қазіргі таңда Қазақстан экспорттайтын мұнай көлемінің шамамен 86%-ы Каспий құбыр консорциумы (КҚК) арқылы жеткізіледі. Биылғы жылдың алғашқы алты айында еліміз барлық көлік түрлерімен жалпы 41,6 миллион тонна мұнай тасымалдады. Еске сала кетейік, соңғы жылдары Ресей мен Қазақстан энергетика саласындағы әріптестікті нығайтып келеді. Мәселен, тараптар ресейлік мұнайды Қытайға тасымалдау көлемін арттыру бойынша техникалық мүмкіндіктерді бірлесіп зерттеуде. Бұл жағдайда Батыс елдері, әсіресе АҚШ, Каспий өңіріндегі ықпалын күшейтуге тырысып, Ресей мен Иранның позициясын әлсіретуді көздейді. Мысалы, АҚШ ресми өкілдері Түрікменстан мен Әзербайжанды байланыстыратын Транскаспий газ құбырын салу жоспарына қолдау білдіріп отыр. Сонымен қатар америкалық дипломаттар Қазақстанға ресейлік транзиттік маршруттарға балама табуға «көмектесу» қажеттігін алға тартуда. АҚШ, Ұлыбритания және өзге де Батыс елдері Каспий теңізінің құқықтықмәртебесін қайта қарауға мүдделі. Бұл бастамалар энергетикалық нарықтағыкүштердің орналасуына әсер етіп, Қазақстанның Каспий маңындағыресурстар мен логистикалық бағыттарға бақылауына қауіп төндіруі мүмкін».
Евразия24 пікірі:
Соңғы жылдары Ресей мен Қытайдың қатысуымен Еуразиялық аймақта дамып жатқан интеграциялық үдерістер Батысқа ұнамайтыны анық. Сол себепті Орталық Азия елдерін өз жағына тартуға бағытталған түрлі әрекеттер жасалып отыр. Еуроодақтың «Жаһандық қақпа» бағдарламасы аясындағы болашақ Транскаспий көлік дәлізі – соның бір мысалы. Сонымен қатар, жақында АҚШ-тың Қазақстандағы елшісі қызметіне үміткер Джули Стафт: «АҚШ-тың мақсаты – Қазақстанға Ресей арқылы өтетін транзиттік бағыттарға тәуелділіктен арылуға көмектесу» екенін мәлімдеді. Бұл мәлімдеме Қазақстан мен АҚШ-тың сирек жер металдарын барлау және өндіру бойынша күш біріктіретіні жөніндегі жаңалықпен тұспа-тұс келді. Мұндай жағдай «жақсы және жаман полицей» әдісін еске салады. Ресей Қазақстанда үшінші жылу электр станциясын салу мүмкіндігі жоқ екенін мойындаған кезде, Батыс елдері Қазақстанға жаңа ұсыныстармен келе бастады. Минералдық ресурстарға бай өңірді өз ықпалына тарту – географиялық тұрғыда жақын орналасқан тарап үшін мұхиттың ар жағындағы елдерге қарағанда әлдеқайда тиімді.
