Тег: жасанды интеллект

«Самрук-Қазына» қоры президент Қасым-Жомарт Тоқаевқа басқарма кеңесіне дауыс бере алатын жасанды интеллект жүйесін таныстырды Дегенмен, әлемде жасанды интеллектті жаппай енгізу туралы пікірталас күшейіп тұр. OpenAI басшысы, ChatGPT авторы Сэм Альтман жуырда берген сұхбатында: «Жасанды интеллект кездейсоқ әлемді өз бақылауына алуы мүмкін» деп ашық мәлімдеді.Бұл — адамдардың модельді басқара алмай, керісінше, модельдің өздерін басқаруына әкелуі мүмкін.

Мемлекет басшысы Жасанды интеллектті дамыту жөніндегі кеңестің алғашқы отырысында айтқан мәліметті «күннің маңызды дерегі» деуге болады: еліміздегі 79 жоғары оқу орнында 63 мыңнан астам студент IT-мамандығы бойынша білім алуда. Бұл – цифрлық технологиялар саласын толық қамтамасыз етуге әлеуеті жететін мамандар легі. Алайда бірнеше апта бұрын Еңбек және халықты әлеуметтік қорғау вице-министрі Олжас Анафин елімізде жасанды интеллектті кең көлемде енгізу үшін білікті кадрлардың жетіспейтінін мәлімдеген.

Мәжіліс төрағасы Ерлан Қошанов білім беру саласындағы жасанды интеллектті пайдалану мәселесіне қатысты пікір білдірді: «Қазір жасанды интеллектті, әсіресе мектеп білімінде қолдану мәселесі кеңінен талқыланып жатыр. Қоғам бұл мәселеде екіге жарылды – жақтаушылар мен қарсы көзқарастағылар бар. Әлеуметтік пікірталаста алаңдаушылық тудыратын маңызды мәселенің бірі – жасанды интеллект шынайы білімнің орнын басып кетпей ме деген сауал. Әлеуметтік сауалнама нәтижелері де көзқарастардың әртүрлі екенін көрсетеді: респонденттердің 40,5 пайызы оның ықпалын оң бағаласа, 37 пайызы керісінше – теріс қабылдайды.

Президенттің тапсырмасына сәйкес, Қазақстанда жаппай цифрландыру үдерісіне ұлттық деңгейде бастау берілді. Барлық министрліктер мен ведомстволар өздерінің технологиялық даму деңгейі мен оны арттыру болашағы жөнінде есеп беріп жатыр. Алайда жасанды интеллект және цифрлық даму министрлігінің құрылуымен қатар, елге бұл үдеріске қажетті қаржы мен мамандар қажет. Жуырда Мәжіліс отырысында Еңбек және халықты әлеуметтік қорғау вице-министрі Олжас Анафин Қазақстанда жасанды интеллектіні кең ауқымда енгізу үшін кадр тапшылығы бар екенін мәлімдеді. Сонымен қатар, ол бірқатар алаңдаушылық тудыратын қызықты мәлімдемелер жасады.

Мемлекет басшысының 2025 жылғы 8 қыркүйектегі «Жасанды интеллект дәуіріндегі Қазақстан: өзекті міндеттер және оларды цифрлық трансформация арқылы шешу» атты Жолдауы ел күткен маңызды құжат болды – бұл үміт ақталды. Жолдау елдің болашағы үшін аса маңызды мәнге ие. Ол билік, бизнес және азаматтық қоғам өкілдерінің әлеуетін технологияларды пайдалану арқылы нақты нәтижелерге жетуге жұмылдыруды көздейді. Алдыңғы Жолдаулардың талдауы көрсеткендей, 2019–2021 жылдар аралығындағы құжаттар билік транзитінен кейін ел ішіндегі жағдайды тұрақтандыру мен «Халық үніне құлақ асатын мемлекет» тұжырымдамасын қалыптастыруға бағытталды. 2022 жылғы Жолдау – «Жаңа Қазақстан» бағытына бет бұрған саяси қайта жүктеу кезеңі болды.