Prokadry.kz хабарлайды:
“Самрук-Қазына” қоры мемлекет басшысы Қасым-Жомарт Тоқаевқа SKAI (Samruk-Kazyna Artificial Intelligence) атты жасанды интеллектке негізделген цифрлық тәуелсіз директорды таныстырды. SKAI — өңірде дауыс беру құқығына ие алғашқы цифрлық тәуелсіз директор. Жаңа жүйенің тұсаукесері Астанада Digital Bridge халықаралық форумында өтті. Қордың мәлімдеуінше, SKAI корпоративтік басқарудың ашықтығын арттырып, шешім қабылдау сапасын жақсартуға бағытталған жаңа құралға айналмақ. Нейрожелі қор құрылған кезден бері жинақталған деректерді — 2008 жылдан бастап басшылар кеңесінің шешімдері мен ішкі және сыртқы нормативтік құжаттарды, өзге де материалдарды талдап, ұсыныстар әзірлейді. Бұл жүйе басқармаға шешімдерді неғұрлым дәлелді әрі сараланған түрде қабылдауға мүмкіндік береді. “Жасанды интеллектке негізделген нейрожелінің директорлар кеңесіне қосылуы – бұл нағыз серпіліс: енді технология мен адам бірге шешім қабылдайды, ал цифрландыру тек процестермен шектелмей, басқару философиясының бір бөлігіне айналып отыр”, — деді «Самрук-Қазына» АҚ басқарма төрағасы Нұрлан Жақұпов. Компания мәліметінше, қауіпсіздікке ерекше көңіл бөлінген: SKAI жабық контурда, Қазақстандағы екінші қуатты суперкомпьютер – «Қазақтелеком» әзірлеген Al Farabium базасында жұмыс істейді. Осылайша, деректер ел аумағынан шықпайды, ал жоғары есептеу қуаты талдау сенімділігін және жылдамдығын қамтамасыз етеді. Жүйенің негізіне қазақстандық тілдік модель — Alem LLM алынған».
Евразия24 пікірі:
«Самрук-Қазына» қоры президент Қасым-Жомарт Тоқаевқа басқарма кеңесіне дауыс бере алатын жасанды интеллект жүйесі – SKAI енгізілгенін мәлімдеді. Аймақта мұндай тәжірибе алғаш рет жүзеге асырылуда. Жергілікті мамандар әзірлеген SKAI кеңес мүшелерін эмоциялық немесе жеткілікті дәлелге сүйенбеген шешімдер қабылдаудан сақтандыруға тиіс. Бұл ұлттық қордың цифрлық трансформациядағы маңызды қадамы. SKAI ішкі және сыртқы нормативтік құжаттарды, 2008 жылдан бері қабылданған шешімдерді және қордың жинақталған материалдарын талдап, корпоративтік басқару сапасын арттыруға бағытталған. Дегенмен, әлемде жасанды интеллектті жаппай енгізу туралы пікірталас күшейіп тұр. OpenAI басшысы, ChatGPT авторы Сэм Альтман жуырда берген сұхбатында: «Жасанды интеллект кездейсоқ әлемді өз бақылауына алуы мүмкін» деп ашық мәлімдеді. Оның айтуынша, бүгінде миллиардтаған адам шешім қабылдауда ChatGPT-ге сүйеніп жүр, ал уақыт өте көпшілік ИИ кеңестерін еш күмәнсіз орындай бастайды. Бұл — адамдардың модельді басқара алмай, керісінше, модельдің өздерін басқаруына әкелуі мүмкін.
